გიორგი ტალახაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი და მიენიჭა ინჟინერ-მშენებლის კვალიფიკაცია 1991 წელს.

1991-1993წწ. მუშაობდა საქართველოს არქიტექტურისა და მშენებლობის საქმეთა სამინისტროს სამეცნიერო-ტექნიკური სამმართველოს ინჟინრად; 1993-1996წწ. ამავე სამინისტროს ჯერ სამშენებლო წარმოების ორგანიზაციის სამმართველოს, შემდეგ სამშენებლო ინდუსტრიის, საშენ მასალათა მრეწველობისა და სამშენებლო წარმოების ორგანიზაციის სამმართველოს უფროს ინჟინრად; 1996-2001წწ. მუშაობდა საქართველოს ურბანიზაციისა და მშენებლობის სამინისტროს, სამშენებლო დარგის პერსპექტიული განვითარების სამმართველოს განყოფილების წამყვან ინჟინრად; 2002-2003წწ. ამავე სამმართველოს უფროსად; 2003-2004წწ. მშენებლობის და საშენი მასალების წარმოების სამმართველოს უფროსი იყო; 2004-2008წწ. მუშაობდა ჯერ საქართველოს ინფრასტრუქტურისა და რეგიონული განვითარების სამინისტროს სამშენებლო-საინჟინრო საკითხთა სამმართველოს უფროსად და შემდეგ კი საქართველოს ეკონომიკისა და მდგრადი განვითარების სამინისტროს მთავარი "არქმშენინსპექციის" უფროსად; 2011 წლიდან არის თბილისის ივ. ჯავახიშვილის სახელობის სახელმწიფო უნივერსიტეტის მატერიალური რესურსების მართვის დეპარტამენტის უფროსი; მრავალწლიანი შრომითი საქმიანობისა და დამსახურებისათვის მიღებული აქვს საუწყებო ჯილდოები და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 240-241