იგორ ტიმჩენკო

დაბადების ადგილი: ქ. თბილისი. 

დაამთავრა საქართველოს პოლიტექნიკური ინსტიტუტის სამშენებლო ფაკულტეტი და მიენიჭა ინჟინერ-მშენებლის კვალიფიკაცია 1979 წელს; ამავე ინსტიტუტის საზოგადოებრივი პროფესიების ფაკულტეტი სპეციალობით ტექნიკური თარგმნა (ფრანგული ენა) 1980 წელს; 1979-1982წწ. სწავლობდა მეცნიერება

1982-2006წწ. მუშაობდა საქართველოს მეცნიერებათა აკადემიის კ. ზავრიევის სამშენებლო მექანიკისა და სეისმომედეგი მშენებლობის განყოფილებაში, ჯერ უმცროს მეცნიერ-თანამშრომლად; 1999 წლიდან უფროს მეცნიერ-თანამშრომლად; 2006-2014წწ. იყო შპს "ტრანსპროექტის" პროექტირების საინჟირო უზრუნველყოფის განყოფილების წამყვანი ინჟინერი; 2015 წლიდან შპს "პროგრესის" მთავარი ინჟინერია; 2018 წლიდან მუშაობს ქ. თბილისის ილიას უნივერსიტეტის საინჟინრო ფაკულტეტზე უფროსი ინჟინრის თანამდებობაზე; მონაწილეობდა საერთაშორისო სამეცნიერო-საინჟინრო პროექტებში NATO-ს, USAID-ის, EURASIA-ს და მსოფლიო ბანკის მხარდაჭერით; მისი უშუალო მონაწილეობით დამუშავებულია საზოგადოებრივი დანიშნულების მნიშვნელოვანი ობიექტების მშენებლობის პროექტები, მათ შორის: "ბათუმი პლაზა"-ს (2007-2008), სახლი აუზთან (2008), ახალი გლდანის კომპლექსის ქერჩის ქუჩაზე (2017); ასევე მონაწილეობდა შენობა-ნაგებობების ტექნიკური ექსპერტიზების ჩატარებაში, მზიდი კონსტრუქციების საანგარიშო ნაწილის ანალიზში სპორტის სასახლის, "დინამოს" საფეხბურთო სტადიონის (ამჟამად, "დინამო არენა"), "თბილისი ცენტრალის" (სარკინიგზო ვაგზალი), "პანორამა თბილისი"-ს, ბათუმის ტექნილოგიური უნივერსიტეტის მაღლივი შენობია, სანატორიუმი "პრავდა"-ს და შავი ზღვის სანაპირო ნაგებობების სარეკონსტრუქციო სამუშაოების (შპს "კავგიპროტრანსი" ქ. სოჭი) და სხვა; მონაწილეობდა სპიტაკის (სომხეთი) და რაჭის რეგიონის მიწისძვრის შედეგების ანალიზში; 2002 წელს ქ. თბილისის მიწისძვრის შედეგების ანალიზში, გრუნტის დინამიკური რეაქციის გაანგარიშებაში ქ. თბილისის ტერიტორიაზე და რუკების შედგენაში (გამოყენებითი, გეოფიზიკის, საინჟინრო სეისმოლოგიისა და ნაგებობათა სეისმური დაცვის ცენტრში, 2003); სამეცნიერო ინტერესთა სფეროს წარმოადგენს შენობა-ნაგებობების მზიდი კონსტრუქციების არაწრფივი დინამიკური რეაქციის საანგარიშო ანალიზი და გრუნტის სეისმური რეაქციის ანალიზი; მრავალწლიანი პროფესიული და სამეცნიერო შრომითი საქმიანობისა და დამსახურებისათვის მიღებული აქვს საუწყებო ჯილდოები და საპატიო სიგელები; დაიცვა საკანდიდატო დისერტაცია სპეციალობით სამშენებლო კონსტრუქციები 1989 წელს.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 241-242