მაია ჯალიაშვილი

დაბადების ადგილი: ქ. ლაგოდეხი.

დაამთავრა ივანე ჯავახიშვილის სახელობის თბილისის სახელმწიფო უნივერსიტეტის ფილოლოგიის ფაკულტეტი, შოთა რუსთაველის სახელობის ლიტერატურის ინსტიტუტის უახლესი ქართული ლიტერატურის ასპირანტურა.

სხვადასხვა დროს მუშაობდა ლიტერატურისა და ხელოვნების ცენტრალურ სახელმწიფო არქივში მეცნიერ-თანამშრომლად, კოლეჯსა და ლიცეუმში (პედაგოგად) და სოციალურ-ეკონომიკურ და მასწავლებელთა გადამზადების ინსტიტუტებში (ლექტორად), ჟურნალ "ომეგაში ლიტერატურის განყოფილების ხელმძღვანელად, გაზეთებში: "ჩვენს მწერლობასა" და "ახალ ქართულ გაზეთში". 1991 წლიდან მუშაობს შოთა რუსთაველის სახელობის ლიტერატურის ინსტიტუტში, სადაც იყო მეცნიერ-თანამშრომელი, საცნობარო-ენციკლოპედიური განყოფილების ხელმძღვანელი, ახლა კი მთავარი მეცნიერ-თანამშრომელია. ამავე დროს, ქართულ-ამერიკულ უნივერსიტეტის პროფესორი. ლექციებს კითხულობს ქართული ლიტერატურის ისტორიასა და ლიტერატურათმცოდნეობაში. არის მასწავლებელთა პროფესიული გადამზადების გრძელვადიანი ტრენინგმოდულის ავტორი, ტრენერი. წლების განმავლობაში იყო აკრედიტაციის ექსპერტი. მისი სტატიები იბეჭდება შემდეგ ჟურნალებში: "ძიებანი", "სჯანი", "კრიტიკა", "ჩვენი მწერლობა", "სემიოტიკა", ჟურნალი "მასწავლებელი" და ინტერნეტგაზეთი "მასწავლებელი" და სხვა. მაია ჯალიაშვილი არის 300-ზე მეტი სამეცნიერო სტატიის, წერილის, ესეს ავტორი. ლიტერატურულ პრემია "საბას", წლის საუკეთესო ლიტერატურული კრიტიკის ნომინანტი (2017); საერთაშორისო და ლოკალური კონფერენციების მონაწილე, სხვადასხვა სამეცნიერო პროექტის მენეჯერი და მონაწილე. 

საკანდიდატო დისერტაციის თემა - "სანდრო ცირეკიძე და ქართული სიმბოლიზმი", დაიცვა 1991 წელ; სადოქტორო დისერტაციის თემა – "ქართული მოდერნისტული რომანი", დაიცვა 1999 წელს.

წყარო: პრემია "საგურამოს" ლაურეატები: 2003-2017 წლები/რედაქტორ-შემდგენლები: ანდრო ბედუკაძე, ლანა უნდილაშვილი.-საგურამო, 2017.-გვ.228; ქართულ-ამერიკული უნივერსიტეტი: gau.edu.ge

• სამეცნიერო და სადისერტაციო საბჭო, წევრი

• 2024 - პრემია "მუზა", წლის საუკეთესო კრიტიკა / რეცენზია
  წერილები თანამედროვე ქართულ რომანზე
• 2016 - პრემია "საგურამო"
• 2012 - მასწავლებლის სახლის საუკეთესო ტრენერი
• 2012 - "ლიტერატურული გაზეთის" პრემია (კონკურსში გამარჯვება)
  წერილისთვის "ზნეობის გარდამოხსნა"
• 2012 - გრიგოლ კიკნაძის პრემია (კონკურსში გამარჯვება)
  საუკეთესო სამეცნიერო სტატიისთვის "არტისტული თამაშის ვარიაციები ქართულ მოდერნისტულ რომანში"
• 2000 - ალექსანდრე ორბელიანის სახელობის პრემია

• ზნეობის გარდამოხსნა : ლიტერატურული წერილები (ავტორი). - თბილისი, ლიტერატურის ინ-ტის გამ-ბა, 2016. - 256გვ.. - ISBN: 9789941091247
• შეხვედრა წიგნში : ლიტერატურული წერილები, კლასიკური და თანამედროვე მწერლობა, ტენდენციები (ავტორი). - თბილისი, 2009. - 216გვ.. - ISBN: 9789941018824
• გრიგოლ რობაქიძე, 1880-1962 (ავტორი). - თბილისი, საქართველოს მაცნე, 2009. - 452გვ.. - ISBN: 9789941160165
• გულის ბარძიმი : ლექსები, იგავ-არაკები, მოთხრობები, რადიოპიესები, დღიური (ავტორი). - თბილისი, 2009. - 200გვ.. - ISBN: 9789941018817
• ილია ჭავჭავაძე : 2 ნაწილად (თანაავტორი) // ნაწ. 1, ლექსები და პოემები კითხვებით, დავალებებით და ანალიზით. - თბილისი, საქართველოს მაცნე, 2007. - 382გვ.. - ISBN: 978-99940-66-69-8
• ილია ჭავჭავაძე : 2 ნაწილად (თანაავტორი) // ნაწ. 2, მოთხრობები ანალიზითურთ და ქართველ მოღვაწეთა გამოხმაურებები ილიას მკვლელობის შესახებ. - თბილისი, საქართველოს მაცნე, 2007. - 336გვ.. - ISBN: 978-99940-66-68-1
• ქართული მოდერნისტული რომანი : XX საუკუნის 20-იანი წლები (ავტორი). - თბილისი, წყაროსთვალი, 2006. - 256გვ.. - ISBN: 9994076051
• სიცოცხლის საიდუმლო : ლიტერატურული წერილები (ავტორი). - თბილისი, წყაროსთვალი, 2006. - 257გვ.
• ალექსანდრე ყაზბეგი (1848-1893) : კრებული 2 ნაწილად (თანაავტორი) // ნაწ.2 : ელგუჯა : კომენტარებით და ანალიზით. - თბილისი, საქართველოს მაცნე, 2006. - 284გვ.. - ISBN: 99940-43-69-2
• ალექსანდრე ყაზბეგი (1848-1893) : კრებული 2 ნაწილად (თანაავტორი) // ნაწ.1. - თბილისი, საქართველოს მაცნე, 2004. - 264გვ.. - ISBN: 99940-43-63-3
• გიორგი ლეონიძე (1899-1966) : კრებული (თანაავტორი). - თბილისი, დია, 2003. - 396გვ.. - ISBN: 99928-42-62-8
• ტიციან ტაბიძე (1895-1937), პაოლო იაშვილი (1892-1937) (ავტორი). - თბილისი, დია, 2002. - 296გვ.. - ISBN: 9992842407
• მიხეილ ჯავახიშვილის "ჯაყოს ხიზნების" პრობლემატიკა (ავტორი). - თბილისი, სკოლა, 1999. - 32გვ.
• დუმილის მიღმა (ავტორი). - თბილისი, ლომისი, 1996. - 40გვ.
• თაობიდან თაობამდე (ავტორი). - თბილისი, ლომისი, 1994. - 208გვ.