უშანგი ფეიქრიშვილი

დაბადების ადგილი: სოფელი ბაკურციხე, გურჯაანის რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი და მიენჭა ინჟინერ-მშენებლის კვალიფიკაცია 1957 წელს.

1957-1963წწ. მუშაობდა კასაგორის მეტალურგიული ქარხნის (ტულის ოლქი, რუსეთი) კაპიტალური მშენებლობის განყოფილების უფროს ინჟინრად; საქართველოში დაბრუნების შემდეგ, 1964-1968წწ. მუშაობდა ქ. რუსთავის ქიმიური ბოჭკოს მშენებარე ქარხნის კაპიტალური მშენებლობის განყოფილების უფროს ინჟინრად; 1968-1970წწ. იყო საქართველოს მშენებლობის სამინისტროს №1 სამშენებლო ტრესტ "ამიერკავკასმეტალურგმშენი"-ს სამშენებლო სამმართველო "ტრანსსპეცმშენის" მთავარი ინჟინერი; 1970-1973წწ. საქართველოს მინისტრთა საბჭოსთან არსებული სამონტაჟო და სპეციალური სამუშაოების მთავარი სამმართველოს "საქმთავარმონტაჟსპეცმშენის" რუსთავის სამმართველოს უფროსი; 1973-1979წწ. მუშაობდა საქართველოს მშენებლობის სამინისტროს სამშენებლო ტრესტ "სპეცმშენი"-ს მთავარ ინჟინრად, მმართველის მოადგილედ; 1980-1983წწ. მივლნებით მუშაობდა მონღოლეთის რესპუბლიკაში, საბჭოთა კავშირის მინისტრთა საბჭოსთან არსებული "მთავარსაზღვარგარეთმშენი"-ს სამშენებლო სამმართველოს უფროსად, ტრესტის მმართველის მოადგილედ; 1983-2000წწ. მუშაობდა საქართველოს გაზიფიკაციის სახელმწიფო კომიტეტის სამშენებლო-სამონტაჟო ტრესტ "საქგაზმშენი"-ს მთავარ ინჟინრად, ტრესტის მმართველის მოადგილედ, საქართველოს გაზიფიკაციის სახელმწიფო კომიტეტის თავმჯდომარის მოადგილედ; მრავალწლიანი შრომითი საქმიანობისა და დამსახურებისათვის მიღებული აქვს საუწყებო ჯილდოები და საპატიო სიგელები.

წყარო:საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 245