ნატა ვარადა

დაბადების ადგილი: სოფელი გავაზი, ყვარლის რაიონი.

დაამთავრა თბილისის სახელმწიფო უნივერსიტეტის ჟურნალისტიკის ფაკულტეტი.

1995 წლიდან იბეჭდებოდა ლიტერატურულ პერიოდიკაში; სხვადასხვა დროს მუშაობდა გამომცემლობაში. 2002 წლიდან მუშაობს საქართველოს იუსტიციის სამინისტროს სსიპ "საკანონმდებლო მაცნეში". 2012 წელს საზოგადოებრივი რადიო- 1-ის რადიოთეატრში დაიდგა მისი რადიოპიესა "ფოკუს-მოკუს-ფრრ" (რეჟისორი ზურაბ კანდელაკი), სადაც მთავარ როლს ასრულებს მსახიობი ზურაბ ყიფშიძე. რადიოპიესა "ფოკუს-მოკუს-frr" ხორვატიის რადიოპიესების საერთაშორისო კონკურსის (PRIX MARULIC-2013) ფინალისტია. მისი შემოქმედება მრავალწახნაგოვანია: წარმართული, მითოლოგიური და რელიგიური მოტივებით. გამოცემული აქვს წიგნები: "ერთი საათით გვიან", "დედის კერძი", "ამებური სიმღერებიდან" და "გამრავლების ტაბულა" და სხავა. მისი ლექსები თარგმნილია ინგლისურ და გერმანულ ენებზე. 

წყარო: პრემია "საგურამოს" ლაურეატები: 2003-2017 წლები/რედაქტორ-შემდგენლები: ანდრო ბედუკაძე, ლანა უნდილაშვილი.-საგურამო, 2017.-გვ.236; ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.- გვ.138

• 2017 - პრემია "საგურამო" (ნომინაცია - პოეზია)

• ამებური სიმღერებიდან (ავტორი). - თბილისი, საუნჯე, 2013. - 104გვ.. - ISBN: 978-9941-451-30-0
• დედის კერძი (ავტორი). - თბილისი, საუნჯე, 2012. - 124გვ.. - ISBN: 978-9941-9260-6-8
• ერთი საათით გვიან (ავტორი). - თბილისი, ალექსანდრე ორბელიანის საზ-ბა., 2010. - 168გვ.. - ISBN: 978-9941-0-2997-4