თამაზ ფურცელაძე

დაბადების ადგილი: ქ. ქუთაისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი და მიენიჭა ინჟინერ-მშენებლის კვალიფიკაცია 1959 წელს.

1959-1962წწ. გაწვეული იყო საბჭოთა არმიის რიგებში, სავალდებულო სამხედრო სამსახურში, ოფიცრის რანგში; 1963-1966წწ. მუშაობდა სსრკ ელექტროტექნიკური მრეწველობის სამინისტროს ქუთაისის სამშენებლო-სარემონტო სამმართველოს უფროსად; 1967-1970წწ. იყო ქუთაისის საშენმასალათა კომბინატის დირექტორი; 1970-1985წწ. მუშაობდა საქართველოს მშენებლობის სამინისტროს №4 სამშენებლო ტრესტის №9 სამშენებლო სამმართველოს უფროსად; 1985-1996წწ. მუშაობდა ქუთაისის საქალაქო საბჭოს აღმასკომის დაქვემდებარებაში არსებული ადგილობრივი მრეწველობის კომბინატის დირექტორად და სამშენებლო - სამონტაჟო სამმართველო "ინჟმშენი"-ს უფროსად; მრავალწლიანი შრომითი საქმიანობის პერიოდში, მისი ხელმძღვანელობით ქ. ქუთაისში და დასავლეთ საქართველოს რაიონებში აშენდა მრავალი საცხოვრებელი სახლები, სამრეწველო, კულტურულ - საგანმანათლებლო და ინფრასტრუქტურული დანიშნულების მნიშვნელოვანი ობიექტები; მრავალწლიანი წარმატებული პროფესიული საქმიანობისა და დამსახურებისათვის მიღებული ჰქონდა საუწყებო ჯილდოები და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 247