ეგნატე თუმანიშვილი

ერეკლე II-ის უახლოესი თანაშემწე და გიორგი XII-ის მრჩეველი. ეგნატე თუმანიშვილის უფლებამოსილება ვრცელდებოდა ქართლ-კახეთის სამეფოს გაუქმების შემდეგაც. მან 1802 წელს, იოანე ბატონიშვილთან და გენერალ ი. ლაზარევთან ერთად ხელი მოაწერა "საქართველოს უზენაესი მთავრობის მოწყობას", დაინიშნა მის წევრად სამოქალაქო ექსპედიციის ხაზით. წერდა ლექსებს, უყვარდა ლიტერატურა, ჰქონდა მდიდარი ბიბლიოთეკა. მისი შვილები იყვნენ გიორგი, დავით და იასე თუმანიშვილი.

წყარო: ქართველ მოღვაწეთა ლექსიკონი, 1801-1952: ტ. II ე-ლ / იოსებ იმედაშვილი.-თბ.,2021.-გვ.348