იაზონ თუმანიშვილი

1860-იან წლებში მუშაობდა თბილისის სახაზინო თეატრის დირექტორად; 1870-1875 წლებში იყო ქალაქის თავი (თბილისის მოურავი), მისი მმართველობის დროს შემოღებულ იქნა თბილისის თვითმმართველობა, საძირკველი ჩაეყარა მიხეილის სახელობის სახელოსნო სასწავლებელს: "იაზონ თუმანიშვილის მეთაურობით და საზოგადოების შემოწირულობების საფუძველზე თბილისს შეეძინა "ერთი დაუვიწყარი განძი - ქალაქის სახელოსნო სასწავლებელი, რომლითაც იაზონ თუმანიშვილმა სამუდამო სახსოვარი დასტოვა ტფილისის მოქალაქეთა გულში..." (ივერია 1893 №40). სერგეი საამოვმა იაზონ თუმანიშვილის გარდაცვალებას მიუძღვნა ლექსი, "გარდაცვალებული თავადი იაზონ თუმანოვისა უძღვნი ქებასა" (თ., 1883). ნამდვილი სამოქალაქო მრჩეველი.

წყარო: ქართველ მოღვაწეთა ლექსიკონი, 1801-1952: ტ. II ე-ლ / იოსებ იმედაშვილი.-თბ.,2021.-გვ.349

• ქართველთა შორის წერა-კითხვის გამავრცელებელი საზოგადოება, დამფუძნებელი წევრი