ვახტანგი ახალკაცი

დაბადების ადგილი: ქ. ხაშური.

დაამთავრა საქართველოს პოლიტექნიკური ინსტიტუტის ელექტროტექნიკური ფაკულტეტი 1952 წელს.

სწავლის პარალელურად მუშაობდა: "თელასში" დისპეჩერის თანაშემწედ; "თბილჰიდროენერგოპროექტში" ინჟინერ-დამპროექტემბლად; 1952-1955წწ. მონაწილეობდა ორთაჭალისა და შაორის ჰესების გაშვებაში; 1955 წწ. მუშაობდა საქართველოს მეცნიერებათა აკადემიის ფიზიკის ინსტიტუტში მშენებარე ბირთვული რეაქტორის წამყვან ინჟინრად; 1959  წელს საქართველოს მეცნიერებათა აკადემიის ელექტრონიკის ავტომატიკისა და ტელემექანიკის ინსტიტუტში ელექტრონიკის განყოფილრბის წამყვანი ინჟინერი; 1962 წელს სტაბილური იზოტოპების ქარხნის ავტომატიზაციასთან დაკავშირებული პროექტების მთავარი ინჟინერი; 1965 წლიდან მუშაობდა ენერგეტიკის სამეცნიერო-კვლევითი ინსტიტუტში: 1965-1971წწ. ელექტროენერგეტიკის განყოფილების გამგე; 1971-1976წწ. ლაბორატორიის გამგე; 1980 წელს მონაწილეობდა საბჭოთა კავშირ-პოლონეთის სახალხო რესპუბლიკის ერთობლივი სამუშაოს "კრიორეზისტული კაბელის მოდელის მახასიათებლების კვლევა" შესრულებაში; 1981 წელს ხელმძღვანელობდა კრიოენერგეტიკულ ლაბორატორიას. არის 51 გამოქვეყნებული ნაშრომის ავტორი, მათ შორის 10 საავტორო მოწმობის. დაჯილდოებული იყო საქართველოს სსრ უმაღლესი საჭოს პრეზიდიუმის საპატიო სიგელით. ტექნიკურ მეცნიერებათა კანდიტატი (1976).

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი,. 2016.- გვ. 25-26

• საქართველოს სსრ დამსახურებული ინჟინერი