ბონდო გასვიანი

დაამთავრა სსიპ სოხუმის სახელმწიფო უნივერსიტეტის ეკონომიკისა და ბიზნესის ფაკულტეტი ბაკალავრის ხარისხით სპეციალობით - საფინანსო, საბანკო და სადაზღვევო საქმე 2009 წელს; იმავე წელს ჩააბარა სსიპ სოხუმის სახელმწიფო უნივერსიტეტში ეკონომიკისა და ბიზნესის ფაკულტეტის ბიზნესის ადმინისტრირების სამაგისტრო პროგრამაზე, 2012 წელს მიენიჭა ბიზნესის ადმინისტრირების მაგისტრის ხარისხი; 2012 წელს ჩაირიცხა ივანე ჯავახიშვილის სახელობის თბილისის სახელმწიფო უნივერსიტეტის, ეკონომიკისა და ბიზნესის ფაკულტეტის ბიზნესის ადმინისტრირების სადოქტორო პროგრამაზე და 2019 წელს დაიცვა სადოქტორო დისერტაცია თემაზე - "საერთაშორისო ბიზნესის სამეწარმეო სტრუქტურების განვითარების ძირითადი მიმართულებები გლობალიზაციის პირობებში", რის საფუძველზეც საუნივერსიტეტო სადისერტაციო საბჭოს გადაწყვეტილებით მიენიჭა ბიზნესის ადმინისტრირების დოქტორის აკადემიური ხარისხი.

2010-2013 წლებში მუშაობდა შპს "საქართველოს გაერთიანებული წყალმომარაგების კომპანიაში" სხვადასხვა თანამდებობებზე (ანალიტიკური სამმართველოს სპეციალისტი, შემოსავლების სამმართველოს სპეციალისტი, შემოსავლების განყოფილების უფროსი (ბორჯომის  სერვისცენტრი), შემოსავლების განყოფილების უფროსი (ბოლნისის სერვის-ცენტრი), შემოსავლების სამმართველოს სპეციალისტი - "რეგიონების კურატორი" (ქვემო ქართლი, შიდა ქართლი, კახეთი), შემოსავლების დეპარტამენტის უფროსი); 2013 წელს მუშაობდა კერძო სექტორში, კერძოდ, ტურისტული კომპანია M – Tour -ში დირექტორის მოადგილედ; 2014-2019 წლებში მუშაობა გააგრძელა სახელმწიფო აუდიტის სამსახურში აუდიტორის პოზიციაზე (აუდიტორ ასისტენტი, უფროსი აუდიტორი, წამყვანი აუდიტორი); 2019 წელს დაინიშნა აფხაზეთის ა/რ ფინანსთა და დარგობრივი ეკონომიკის სამინისტროს მინისტრის მოადგილედ; 2020 წლიდან მუშაობს ქალაქ თბილისის მუნიციპალიტეტის საჯარო სამართლის იურიდიული პირის - ქალაქ თბილისის მუნიციპალიტეტის ტრანსპორტისა და ურბანული  განვითარების სააგენტოში ადმინისტრაციული სამსახურის უფროსის თანამდებობაზე; ამავდროულად ეწევა პედაგოგიურ მოღვაწეობას: 2019 წლიდან არის მოწვეული ლექტორი ივანე ჯავახიშვილის სახელობის თბილისის სახელმწიფო უნივერსიტეტში სადაც უძღვება საგანს - კროს-კულტურული ურთიერთობები საერთაშორისო ბიზნესში, ბიზნესის ადმინისტრირების საფუძვლები, საერთაშორისო ბიზნესი. ასევე, 2019 წლიდან მოწვეული ლექტორია ილიას სახელმწიფო უნივერსიტეტში, სადაც უძღვება საგანს - შესავალი კურსი აუდიტში; 2022 წლიდან არის საქართველოს ეროვნული უნივერსიტეტის ასოცირებული პროფესორი. კვლევის სფეროებია: საერთაშორისო მეწარმეობა, ბიზნესის ადმინისტრირება, საერთაშორისო მენეჯმენტი, აღრიცხვა-ანგარიშგება აუდიტი, აქტიურადაა ჩართული ოკუპირებული ტერიტორიის ეკონომიკური მდგომარეობის შემსწავლელ კვლევებში. არის 20- მდე სამეცნიერო ნაშრომის, მათ შორის, სტატიების და მონოგრაფიის ავტორი/თანაავტორი, ქართულ და ინგლისურ ენებზე. საჯარო სამსახურის მეორე კლასის მრჩეველი (2016).

• ბიზნესსუბიექტების ორგანიზაციული სტრუქტურების განვითარების თავისებურებები გლობალიზაციის პირობებში (ავტორი). - ქ. თბილისი, მერიდიანი, 2022. - 208გვ.. - ISBN: 9789941340987
• Analysis of Georgia’s export trends in the context of global markets (ავტორი) // Journal - World economy and international economic relations, international scientific collection Vol. IV. - ქ. კიევი, 2020. - გვ.82-89. - ISBN: 9786110118651
• აფხაზეთის ეკონომიკა : თანამედროვე მდგომარეობა და განვითარების პერსპექტივები (თანაავტორი). - ქ. თბილისი, უნივერსალი, 2020. - ISBN: 9789941267826
• პირდაპირი უცხოური ინვესტიციების გავლენა ტურიზმის სექტორზე: საქართველოს მაგალითზე, (თანაავტორი) // ივანე ჯავახიშვილის სახელობის თბილისის სახელმწიფო უნივერსიტეტის ეკონომიკისა და ბიზნესის ფაკულტეტი, V საერთაშორისო სამეცნიერო კონფერენცია გლობალიზაციის გამოწვევები ეკონომიკასა და ბიზნესში (შრომების კრებული). - ქ. თბილისი, ივანე ჯავახიშვილის სახელობის თბილისის სახელმწიფო უნივერსიტეტის გამომცემლობა, 2020. - გვ.329-336. - ISBN: 9789941139529
• Establishment of the stages of organizational development in Georgian’s SME’s (თანაავტორი) // World economy and international economic relations, international scientific collection Vol. Ш. - კიევი, 2019. - გვ.11-15