რეჯებ თხილაიშვილი

დაბადების ადგილი: სოფელი კონდიდი, ქობულეთის რაიონი.

1902 წელს რამდენიმე თანამოაზრესთან ერთად შექმნა სოციალ-დემოკრატიული ორგანიზაცია, რომელიც "ბათომის კომიტეტთან" შეთანხმებით მუშაობდა. იგი აწარმოებდა აქტიურ რევოლუციურ მუშაობას, მონაწილეობდა გაფიცვებში, მართავდა მანიფესტაცია-დემონსტრაციებს. 1904 წელს ორჯერ იყო დაპატიმრებული ტერორიზმის ბრალდებით. რეჯებ თხილაიშვილი იყო სკპ(ბ) საოლქო-საკონტროლო კომისიის წევრი (1921 წ., №27, 1930 წ., 14 ივნისი), აღმასკომის წევრი (1930., 9 ივლისი, №21), კომპარტიის წევრი 1926 წლიდან, აჭარის ცაკის წევრი 1925 წლიდან. რევოლუციონერ-ორგანიზატორი, ქართველ მუსლიმთა პირველი წითელი მედროშე.

წყარო: ქართველ მოღვაწეთა ლექსიკონი, 1801-1952: ტ. II ე-ლ / იოსებ იმედაშვილი.-თბ.,2021.-გვ.371