გიორგი ბარძიმოვი

დაამთავრა საქართველოს ინდუსტრიული ინსტიტუტი ინჟინერ-მექანიკოსის კვალიფიკაციით 1934 წელს.

1934-1941წწ. მუშაობდა თბილისის ფოლად-თუჯ-სასხმელ ქარხანაში მექანიკოსის თანაშემწედ, მთავარი ინჟინერის მოადგილედ, ქარხნის დირექტორად; 1941-1955წწ. თბილისის მექანიკურ-ლითონგადამამუშავებელი ქარხნის დირექტორი; 1955-1958წწ. საქართველოს სამომხმარებლო კორპორაციის თავმჯდომარის მოადგილე; 1958-1962წწ. ახლადჩამოყალიბებული  "თბილგაზის" სამმართველოს უფროსი; 1962-1966წწ. "საქმთავარგაზის" სამმართველოს უფროსი და კომუნალური მეურნეობის მინისტრის მოადგილე; 1966-1972წწ. საქართველოს სსრ მინისტრთა საბჭოს გაზიფიკაციის მთავარი სამმართველოს უფროსი. დაჯილდოებული იყო სახელმწიფო ორდენებითა და მედლებით. სამჯერ იყო არჩეული საქართველოს უმაღლესი საბჭოს დეპუტატად.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი,. 2016.- გვ. 33

• საპატიო ნიშნის ორდენი (2 ორდენი)
• ლენინის ორდენი
• წითელი დროშის ორდენი
• საქართველოს დამსახურებული ინჟინერი