გერასიმე ბაჩილავა

დაბადების ადგილი: სოფელი ინჩხური, მარტვილის რაიონი.

1923-1928წწ. მუშაობდა მუშად მარტვილის რაიონში მიმდინარე პირველი ელექტროსადგურის - "აბჰესის" მშენებლობაზე;  შემდეგ ეუფლება ტურბინ-მემანქანის სპეციალობას და 1930-1935წწ. მუშაობს ელექტროსადგურში მორიგე-მემანქანედ, მონაწილეობს მიმდებარე ელექტრული ქსელის საექსპლუატაციო სამუშაოების შესრულებაში. აშენდა 110კვ. ელექტროგადამცემი ხაზი აბჰესი-რიონჰესი-ზაჰესი და ამ სამი ელექტროგურის გაერთიანებით საფუძველი ჩაეყარა საქართველოს ენერგო სისტემის ჩამოყალიბებას (1933). აქტიურად მონაწილეობს სამეგრელოში არსებული ელექტრული ქსელების ექსპლუატაციისა და ელექტროფიკაციის შემდგომი განვითარების საკითხების გადაწყვეტაში; 1935-1937წწ. მარტვილის რაისაბჭოს აღმასკომის ადგილობრივი მრეწველობის განყოფილების გამგე; 1937-1979წწ. აბჰესის დირექტორი.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი,. 2016.- გვ. 33