თამაზ შენგელია

დაბადების ადგილი: ქ. ხაშური.

დაამთავრა საქართველოს პოლიტექბიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1966 წელს.

1958 წლიდან დაიწყო  შრომითი საქმიანობა საქართველოს წყალთა მეურნეობის სამინისტროს სამშენებლო ტრესტ "სამგორწყალმშენი"-ს სისტემაში და პარალელურად სწავლობდა; 1966 წელს მუშაობა დაიწყო საქართველოს მშენებლობის სამინისტროს საწარმოო განყოფილების უფროს ინჟინრად; 1969 წელს გადაყვანილ იქნა მშენებლობის სამინისტროს სამშენებლო-საწარმოო გაერთიანება "მთავართბილმშენი"-ს რკინაბეტონის ნაკეთობათა კომბინატის მთავარ ტექნოლოგად; 1971-1070წწ. მუშაობდა საქართველოს მშენებლობის სამინისტროს სადისპეტჩერო სამსახურის განყოფილების მთავარ სპეციალისტად; 1980-1982წწ. მუშაობდა სახელმწიფო საპროექტო ინსტიტუტ "კავკასგიპრომრეწვსოფელმშენი"-ს წამყვან ინჟინრად, კომპლექსური პროექტების განყოფილებაში; 1983-1991წწ. მუშაობდა საქართველოს სახელმწიფო საგეგმო კომიტეტის მშენებლობისა და მშენინდუსტრიის განყოფილების მშენებლობის მატერიალურ-ტექნიკური ბაზის განვითარების და განთავსების კომპლექსური სქემის პროექტირებისა და შესრულების კონტროლის ქვეგანყოფილების მთავარ სპეციალისტად; 1992-1996წწ. მუშაობდა სამეცნიერო- კვლევით ინსტიტუტ "რადიანი"-ს სექტორის უფროსად; 1997-2000წწ. იყო საქართველოს სახელმწიფო უშიშროების სამინისტროს სამეცნიერო-ტექნიკური ცენტრის წამყვანი სპეციალისტი; ახალგაზრდობის წლებში გატაცებული იყო ჭადრაკის თამაშით; შესრულებული ჰქონდა სპორტის ოსტატის კასნდიდატის ნორმატივი; 2001-2007წწ. მუშაობდა ქ. თბილისის №147 საჯარო სკოლის ჭადრაკის სექციის მასწავლებლად; თანამშომლობს ჟურნალ-გაზეთებთან, აქვეყნებს სტატიებს საჭადრაკო თემატიკაზე, ასევე ამოცანებსა და საკომპოზიციო ეტიუდებს; მრავალწლიანი შრომითი საქმიანობისამ და დამსახუებისათვის მიღებული აქვს საუწყებო ჯილდოები და საპატიო სიგელები. 

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 270-271