გოჩა შენგელია

დაბადების ადგილი: დაბა მესტია.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1985 წელს.

1985-1994წწ. მუშაობა დაიწყო საქართველოს მშენებლობის სამინისტროს №4 სახლმშენებელ კომბინატში მშენებელ ოსტატად, სამუშაოთა მწარმოებლად, უფროს სამუშაოთა მწარმოებლად (უბნის უფროსად); 1995-2004წწ. ეწეოდა კერძო სამეწარმეო საქმიანობას მშენებლობის სფეროში; 2005-2010წწ. იყო დეველოპერული კომპანია (შპს) "აქსისი"-ს უფროსი სამუშაოთა მწარმოებელი (უბნის უფროსი); №1 სამშენებლო სამმართველოს უფროსი; 2010-2015წწ. კომპანია "აქსისი"-ს მთავარი ინჟინერი; 2015 წლიდან მუშაობს დეველოპერული კომპანია "აქსის გრუპი"-ს და "აქსის კონსტრაქშენი"-ს მთავარ ინჟინრად; მისი უშუალო მონაწილეობითა და ხელმძღვანელობით აშენდა მრავალი საცხოვრებელი სახლი ქ. თბილისის გლდანის, ვარკეთილისა და ნუცუბიძის პლატოს მიკრორაიონებში; აქტიურად იყო ჩართული ქ. თბილისში არსენას ქუჩის აღდგენისა და სამაჩაბლოს სოფელ საცხენეთში მიწისძვრით დაზარალებული მოსახლეობისთვის საცხოვრებელი სახლების მშენებლობის სამუშაოების შესრულების საქმეში; 2008 წლის ომის შემდეგ, ცხინვალის რეგიონიდან დევნილი მოსახლეობისათვის საცხოვრებელი სახლების მშენებლობაში, ქარელისრაიონის სოფელ ახალსოფელში; დეველოპერულ კომპანია "აქსის გრუპში" მუშაობის პერიოდში მისი მონაწილეობითა და ხელმძღვანელობით აშენდა საცხოვრებელი სახლები ქ. თბილისში - მცხეთის, აბაშიძის, კედიას ქუჩებზე, საცხოვრებელი კომპლექსები "აქსის პალასი-1", "აქსის პალასი-2", "აქსის პალასი საირმე" და "აქსის თაუერი" ("ტყუპი ცათამბჯენები") ჭავჭავაძის გამზირზე; მრავალწლიანი შრომითი საქმიანობისა და დამსახურებისათვის მიღებული აქვს საუწყებო ჯილდოები და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 271-272