შოთა შეროზია

დაამთავრა საქართველოს ინდუსტრიული ინსტიტუტი ინჟინერ-მშენებლის კვალიფიკაციით 1942 წელს.

სწავლის პერიოდში მუშაობდა სხვადასხვა სამშენებლო ობიქეტებზე; ინსტიტუტის დამთავრების შემდეგ გაიწვიეს დიდ სამამულო ომში; მიღებული აქვს მონაწილეობა ქალაქების ვარშავისა და ხარკოვის აღდგენაში; 1948 წელს მუშაობდა ტრესტ "კავკასელექტროქსელმშენის" №54  მექანიზებულ კოლონაში სამუშაოთა მწარმოებლად; მისი მონაწილეობით აშენებულია შემდეგი ობიექტები: ავჭალის მეტალოკონსტრუქციების ქარხანა თავისი დასახლებით, 110 კვ. ძაბვის ელექტროგადამცემი ხაზი "ხაშური-ბორჯომი-ახალციხე", 220კვ. ძაბვის ელექტროგადამცემი ხაზი "რუსთავი-გურჯაანი"; 1967 წელს დაინიშნა დაღესტნის ავტონომიურ რესპუბლიკაში ტრესტ "კავკასელექტროქსელმშენის" №64 მექანიზებული კოლონის უფროსად; წლების განმავლობაში ხელმძღვანელობდა ჩრდილო კავკასიაში ენერგეტიკული ობიექტების მშენებლობას; 1967-1973წწ. მისი ხელმძღვანელობით აშენებული იყო სამი 330კვ. ელექტროგადამცემი ხაზი: "ჩირკეის ჰიდროელექტროსადგური - ჩირიურტი", "ჩირიურტი-მაჰაჩყალა" და "მაჰაჩყალა-დერბენტი"  (საერთო სიგრძე 294კმ) და სამი 330 კვ. ქვესადგური: "ჩირიურტი" "მაჰაჩყალა" და "დერბენტი; ამავე პერიოდში აშენებული იყო მთელი რიგი 35-110კვ. ელექტროგადამცემი ხაზები და ქვესადგურები დაღესტნის მთიანი რეგიონის ურთულეს პირობებში; აქტიური მონაწილეობა აქვს მიღებული 500კვ. ელექტროგადამცემი ხაზის "კავკასიონის" აღდგენაში; დაჯილდოებული იყო მრავალი მედლითა და ორდენით.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 273

• ხალხთა მეგობრობის ორდენი
• სამამულო ომის Ii ხარისხის ორდენი
• საქართველოს დამსახურებული ინჟინერი