თინათინ ჩიგოგიძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის არქიტექტურის ფაკულტეტი არქიტექტურის სპეციალობით 1985 წელს.

1985-1989წწ. მუშაობდა ქ. თბილისის ზონალურ სამეცნიერო-კვლევით, ტიპური და ექსპერიმენტული პროექტირების ინსტიტუტში ("თბილზნიეპი") - არქიტექტორად; 1992 წლიდან ეწევა პედაგოგიურ მოღვაწეობას საქართველოს ტექნიკური უნივერსიტეტის არქიტექტურის, ურბანისტიკისა და დიზაინის ფაკულტეტზე; 2008 წელს დაიცვა დისერტაცია არქიტექტორის აკადემიური ხარისხის მოსაპოვებლად, თემაზე "ურბანული ტეროტორიის სამომხმარებლო ღირებულების არქიტექტურულ-გეგმარებითი ასპექტები"; არის საქართველოს ტექნიკური უნივერსიტეტის ინტერიერისა და დიზაინის დეპარტამენტის უფროსი, არქიტექტურის დოქტორი, პროფესორი, არაერთი სამეცნიერო ნაშრომისა და სახელმძღვანელოს ავტორი და თანაავტორი; 1989-2006წწ. მუშაობდა როგორც მიწვეული სპეციალისტი სამეცნიერო-კვლევით ინსტიტუტ "თბილარქთეორია"-ში მეცნიერ-თანამშრომლად; მრავალწლიანი სამეცნიერო-პედაგოგიური საქმიანობისა და დამსახურებისათვის მიღებული აქვს საუწყებო ჯილდოები და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 277-278