რეზო ნადოი

დაამთავრა ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტი 1996 წელს.

იყო შინაგან საქმეთა სამინისტროს საგამოძიებო დეპარტამენტის სამგორის განყოფილების გამომძიებელი (1997-1999), შინაგან საქმეთა სამინისტროს საგამოძიებო დეპარტამენტის თბილისის სამმართველოს უფროსი გამომძიებელი (1999-2001), შინაგან საქმეთა სამინისტროს საგამოძიებო დეპარტამენტის განსაკუთრებით მნიშვნელოვან საქმეთა უფროსი გამომძიებელი (2001-2004), საქართველოს გენერალური პროკურატურის საგამოძიებო ნაწილის განსაკუთრებით მნიშვნელოვან საქმეთა უფროსი გამომძიებელი (2004-2006), თბილისის საქალაქო სასამართლოს მოსამართლე (2006-2009), გორის რაიონული სასამართლოს მოსამართლე (2009-2011). 2011 წლის მაისიდან ოქტომბრამდე იყო მიკროსაფინანსო ორგანიზაცია "ლიდერ კრედიტის" დირექტორი. 2011 წლის ოქტომბრიდან 2012 წლის ნოემბრამდე "რეზო ნადოის" იურიდიული ოფისის დამფუძნებელი, ადვოკატი, საქართველოს ადვოკატთა ასოციაციის წევრი. საქართველოს მთავარი პროკურატურის საგამოძიებო ნაწილის საპროკურორო ზედამხედველობის სამმართველოს პროკურორი (2012-2015), თბილისის დიდუბე-ჩუღურეთის რაიონული პროკურატურის პროკურორი (2015-2018). 2018 წლის მარტში იყო საქართველოს მთავარი პროკურატურის თავდაცვის, სასჯელაღსრულებისა და პრობაციის სამინისტროებში გამოძიების საპროცესო ხელმძღვანელობის დეპარტამენტის სასჯელაღსრულებისა და პრობაციის სამინისტროში გამოძიების საპროცესო ხელმძღვანელობის სამმართველოს უფროსი. საქართველოს მთავარი პროკურატურის თავდაცვის, სასჯელაღსრულებისა და პრობაციის სამინისტროებში გამოძიების საპროცესო ხელმძღვანელობის დეპარტამენტის თავდაცვის სამინისტროში გამოძიების საპროცესო ხელმძღვანელობის სამმართველოს უფროსი (2018-2020), 2020 წლის მაისიდან დეკემბრამდე იყო საქართველოს გენერალური პროკურატურის თავდაცვის სამინისტროში, იუსტიციის სამინისტროსა და სპეციალურ პენიტენციურ სამსახურში გამოძიების საპროცესო ხელმძღვანელობის დეპარტამენტის თავდაცვის სამინისტროში გამოძიების საპროცესო ხელმძღვანელობის სამმართველოს უფროსი. 2020 წლის დეკემბრიდან არის მცხეთის რაიონული სასამართლოს მაგისტრატი მოსამართლე დუშეთის მუნიციპალიტეტში.

წყარო: მცხეთის რაიონული სასამართლო: court.ge; საქართველოს ეიზიდთა სასულიერო საბჭო yezidi.ge