ქერიმ ანყოსი

დაბადების ადგილი: ქ. თბილისი.

მისი მშობლები 1910 წელს ოსმალეთის იმპერიიდან საქართველოში გამოქცეული ლტოლვილები იყვნენ. ქერიმ ანყოსი სწავლობდა თბილისის სახელმწიფო უნივერსიტეტის ფიზიკის ფაკულტეტზე, ერთი წლის შემდეგ, მშობლიური ენის, კულტურისა და რელიგიის უკეთ შესწავლის მიზნით, გადავიდა აღმოსავლეთმცოდნეობის ფაკულტეტის ირანული ფილოლოგიის განყოფილებაზე, რომელიც დაამთავრა 1961 წელს.

უნივერსიტეტის დამთავრების შემდეგ მუშაობდა საქართველოს მეცნიერებათა აკადემიის აღმოსავლეთმცოდნეობის ინსტიტუტში; შემდეგ დაამთავრა ბაქოს უმაღლესი პარტიული და პოლიტიკური სკოლა. 1979 წელს გადაიყვანეს პარტიულ სამუშაოზე. უნივერსიტეტის დასრულების შემდეგ კი დაიწყო სამეცნიერო კარიერა. იგი სტუდენტობის წლებიდანვე ჩაერთო საქართველოს ქურთებისთვის სასარგებლო საქმეების დაგეგმვასა და განხორციელებაში. 1960-იანი წლებიდან  საქართველოში არაერთი ქურთული ორგანიზაცია დაარსა: "ქურთ ახალგაზრდებთან მუშაობის საბჭო", "ქურთ პედაგოგთა საქალაქო ორგანიზაცია", "ქურთთა სახალხო უნივერსიტეტი", საქართველოს მხატვართა კავშირის შემადგენლობაში ცალკე სტრუქტურულ ერთეულად გამოიყო ქურთი მხატვრების გაერთიანება, 1978 წელს საქართველოს ტელერადიო კომიტეტის შემადგენლობაში ქერიმ ანყოსის თაოსნობით შეიქმნა ქურთული რედაქცია და ა. შ. იყო თითქმის ყველა ქურთული ორგანიზაციის დამფუძნებელი, ორგანიზაციების დაარსებისა და მართვის გარდა, ქერიმ ანყოსი უამრავ დროს ხარჯავდა საკუთარი ხალხის ენის, კულტურის, რელიგიისა და ისტორიის კვლევისთვის.

წყარო: ინტერნეტ გაზეთი - mastsavlebeli.ge: mastsavlebeli.ge; kurdipedia.org; youtube.com

• 2019 - ტოლერანტობის ქომაგი (გარდაცვალების შემდეგ)
  სამოქალაქო ინტეგრაციის პროცესში მნიშვნელოვანი დამსახურებისა და წარმოჩენის ხელშეწყობისთვის, სახალხო დამცველთან არსებული ეროვნულ უმცირესობათა საბჭოს ყოფილი წევრი

• მოკლე ქართულ-ქურთული (კურმანჯი) ლექსიკონი = Ferh'enga gurc(k)î-k'urdî (kurmancî) ya kurt : დაახლოებით 5050 სიტყვა (შემდგენელი). - თბილისი, გეორგიკა, 2019. - 112გვ.
• ვისწავლოთ წერა-კითხვა ქურთულად (კურმანჯი) = Hînî xwendin-nîvîsandina k'urdî (kurmancî) bin (ავტორი). - თბილისი, გამ-ბა "24 საათი", 2016. - 58გვ.
• 3 book ფიქრები სამშობლოზე : ლექსები და ნოველები (ავტორი). - თბილისი, 2012. - 74გვ.
• მოკლე ქართულ-ქურთული (სორანი) ლექსიკონი-სასაუბრო = Ferhengi u wut u weji gurci (corci)-kurdi (sorani) be kurti ფ'არჰანგი უ ვ'უთ უ ვ'ეჟი გუ'რჯი (ჯორჯი)-ქუ'რდი (სორანი) ბა ქუ'რთი (ავტორი). - თბილისი, 2011. - 80გვ.
• ქურთული ფოლკლორი (შემდგენელი). - თბილისი, 2007. - 83გვ.
• ქურთები საქართველოში: ინტეგრაციის პრობლემები = Kurds in Georgia: problems of integration : (უახლესი დოკუმენტების კრებული) / ეროვნულ უმცირესობათა უფლებათა დაცვის პრობლემები საქართველოში. (ავტორი). - თბილისი, ., 2006. - 47გვ.