დავით ბერაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტი 1954 წელს.

1984-1991წწ. თბილისის ინსტრუმენტალურ ქარხანა, მთავარი მექანიკოსის მოადგილე; 1991-2003წწ. საწარმოო გაერთიანება "საქტრანსგაზი", ავტოგაზის სამმართველოს მთავარი ნჟინერი; 2003 წლიდან საერთაშორისო ენერგეტიკული კომპანია " МЭК" იტერა , "იტერა-ჯორჯიას" გენერალური დირექტორი, 2013 წლიდან ამ კომპანიის "სოკარ-ჯორჯია-გაზ დისტრიბუშენის" კომპანიით ჩანაცვლების შემდეგ - დირექტორის მოადგილე. მისი მოღვაწეობა მჭიდროთაა დაკავშირებული ქვეყნის გაზიფიკაციის სახელმწიფო პროგრამებისა და პროექტების წარმატებით შესრულებასთან, რაც სათბობით მომარაგების გარდა ქალაქებისა და დასახლებული პუნქტების ეკოლოგიური მდგომარეობის გაუმჯობესებას ისახავს მიზნად. მისი უშუალო ხელმძღვანელობით კასპის რაიონში აშენდა და მოწყობილ იქნა გაზსადენის საჭიროებისთვის პოლიეთილენის მილების წარმოება, შედეგად მნუშვნელოვნად შემცირდა გაზსადენის მშენებლობის ღირებულება და რაც მთავარია, თავიდან იქნა აცილებული გაზსადენის სისტემაში კოროზიის წარმოშობა, რითაც გარანტირებული იქნა მისი უსაფრთხო ხანგრძლივი  ექსპლუატაცია.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი,. 2016.- გვ.38-39