ზაურ ბერიშვილი

დაბადების ადგილი: გურჯაანის რაიონი.

დაამთავრა საქართველოს პოლიტექნიკური ინსტიტუტის ენერგეტიკის ფაკულტეტი ინჟინერთბოენერგეტიკოსის კვალიფიკაციით 1965 წელს, ასპირანტურა 1974 წელს.

მუშაობდა კრასნოდარში, ჩრთილოეთ-კავკასიის ტრესტ "ცენტრსტროიენერგომონტაჟის" სპეცსამონტაჟო სამმართველოში სამუშაოთა მწარმოებლად; 1968-1996წწ. საქართველოს ენერგეტიკის სამეცნიერო-კვლევითი ინსტიტუტი: უმცროსი მეცნიერ-თანამშრომელი, უფროსი მეცნიერ-თანამშრომელი. მის მიერ შესრულებული სამეცნიერო სამუშაოების მიმართულებებია: თბო და ატომური ელექტროსადგურების წყალმომზადება და წყალ-ქიმიური რეჟიმები, თბოენერგეტიკული  დანადგარების  ლითონთა კოროზია, მარილთა გამოლექვები  გეოთერმიულ წყლებში, ორთგენერატორების ქიმიური გარეცხვა და კონსერვაცია, ტურბო და  ჰიდროგენერატორების სტატორის გრაგნილის გაციების სისტემის წყალ-ქიმიური რეჟიმი; 1996-2004წწ. მუშაობდა თბილისის თბოელექტროცენტრალში საქვაბე-სატურბინო საამქროს უფროსის მოადგილედ; 2004 წელს  "თბილსრესში" მთავარი სპეციალისტია; წლების განმავლობაში მუშაობს საქართველოს ტექნიკური უნივერსიტეტის თეორიული და ზოგადი თბოტექნიკის და თბოენერგეტიკული დანადგარების კათედრაზე. გამოქვეყნებული აქვს 30 სამეცნიერო ნაშრომი, მიღებული აქვს 5 საავტორო მოწმობა და პატენტი, რომელთა უმრავლესობა დანერგილია წარმოებაში. ტექნიკის მეცნიერებათა დოქტორი (1997), პროფესორი.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი,. 2016.- გვ.39