ივლიანე იაშვილი

დაბადების ადგილი: სოფელი სომიწო, ონის რაიონი.

დაამთავრა სასოფლო-სამეურნეო სკოლა.

1900-1905 წლებში, როგორც რსდმპ წევრი მუშაობდა თბილისში პროპაგანდისტ-ორგანიზატორად. 1905 წლის ბოლოს, სხვებთან ერთად ხელმძღვანელობდა რაჭის სახალხო აჯანყებას, რომლის ჩახშობის შემდეგ, იქვე აწარმოებდა არალეგალურ რევოლუციურ მოძრაობას. 1908 წლიდან მუშაობდა თბილისის მეჩექმეთა კავშირში. 1910 წელს შეიპყრეს ბათუმში, გადაიყვანეს ქუთაისში, სადაც თბილისის საქალაქო პალატამ 1911 წლის 14 ოქტომბერს 6 წლით კატორღა მიუსაჯა, სასჯელი მოიხადა სმოლენსკის საკატორღო ციხეში. რევოლუციონერი, პროპაგანდისტ-აგიტატორი.

წყარო: ქართველ მოღვაწეთა ლექსიკონი, 1801-1952: ტ. II ე-ლ / იოსებ იმედაშვილი.-თბ.,2021.-გვ.383