ლერი ჩომახიძე

დაბადების ადგილი: ქ. თბილისი.

დაამთავრა თბილისის სამხატვრო აკადემია არქიტექტურის სპეციალობით.

1965 წლიდან მუშაობდა საპროექტო ინსტიტუტ "საქქალაქმშენსახპროექტში" არქიტექტორად; 1970 წლიდან საპროექტო ინსტიტუტ "კურორტპროექტში" არქიტექტორად; 1984 წლიდან იყო თბილისის სახელმწიფო სამხატვრო აკადემიის თანამშრომელი - ჯერ მოწვეული პედაგოგი, შემდეგ ძირითად შტატში; 2004 წელს მიენიჭა პროფესორის სამეცნიერო-პედაგოგიური წოდება; მისი ნამუშევრებია: ღამის სანატორიუმის კომპლექსი რუსთავში, ბავშვთა ქალაქი ანაპაში, ექსპერიმენტალური საძილე კორპუსები ტურისტებისათვის, ნაციონალური რესტორანი ბიჭვინთაში, სპორტული დარბაზი სიღნაღში, ბავშვთა ქალაქი რემიზოვკაში, მეშახტეთა ადმინისტრაციული შენობა ჭიათურაში და სხვა; ასევე მცირე დიზაინური და არქიტექტურული ფორმები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 289-290