ტარიელ აბესაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის ენერგეტიკის ფაკულტეტი 1963 წელს.

1963-1967წწ. ქ. ხარკოვის ტრესტის სამონტაჟო გაწყობის სამმართველოს ინჟინერი; 1967-1982წწ. ლენინგრადის ტრესტ "ჰიდროელექტრომონტაჟის" განწყობის სამმართველოს უფროსი; მისი მონაწილეობით გაშვებულ იქნა თბილისის მე-4 და მე-8 ენერგობლოკები, ზესტაფონის 500კვ. ქვესადგური, თბილსრესის 500კვ. ქვესადგური, ვარციხე ჰესების კასკადის პირველი  და მეორე ჰესი, ტყვარჩელის  სრესის 110 მვტ სიმძლავრის ახალი ენერგობლოკი, ვარდნილი ჰესების კასკადი, ენგურჰესის 5 აგრეგატი და რიგი 220-500კვ. ძაბვის ქვესადგური; 1982-1986წწ. მივლინებული იყო აფრიკის კომტინეტზე რესპუბლიკა გვინეა-ბისაუში, სადაც მუშაობდა რესპუბლიკის ენერგეტიკის განვითარების საკითხებზე; 1986-1988წწ. მუშაობდა ჟინვალჰესის გაშვებაში, მისი ხელმძღვანელობით ტრესტ "საქსოფლელექტროქსელმშენში" ჩამოყალიბდა სამონტაჟო-განწყობის თვითდაფინანსების უბანი: 1995-1996წწ. სააქციო საზოგადოება "ანძა"-ს სამონტაჟო განწყობის სამმართველოს უფროსია; 1997 წელს სს "გამონის" დირექტორი; 1998 წელს "თბილსრესის"გენერალური დირექტორი; 2001 წელს "თბილსრესის" სამეთვალყურეო საბჭოს თავმჯდომარე. 1982 წელს დაჯილდოვდა საქართველოს უმაღლესი საბჭოს პრეზიდიუმის საპატიო სიგელით, დამოუკიდებელ სახელმწიფოთა თანამეგობრობის (დსთ) დამსახურებული ენერგეტიკოსი.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი,. 2016.- გვ. 43-44