ანეტა (ანა) იურკევიჩი-ფირცხალაიშვილი

ანეტა (ანა) იურკევიჩი ცნობილი ქართველი პოეტისა და მოღვაწის ვიქტორ იურკევიჩის (1854-1920) ქალიშვილი გახლდათ. მამამისი ძირითადად საჩხერეში ცხოვრობდა. ფსევდონიმად რუს-იმერელს იყენებდა. თანამშრომლობდა "დროებასთან", "სახალხო ფურცელთან", "ივერიასთან" და სხვა. ვიქტორ იურკევიჩის ოჯახი მეგობრობდა აკაკისთან. ანეტა იყო პედაგოგი, გარკვეული პერიოდი მოღვაწეობდა ჭიათურაში. ლექსებს აქვეყნებდა "ცნობის ფურცელში", "ივერიაში". 1904 წლის ზამთარში აკაკი ავად ყოფილა. დიდ პოეტს მრავალი წერილი და დეპეშა მოსდიოდა თაყვანისმცემელთაგან. 7 დეკემბერს დაუწერია ლექსი "უკანასკნელი", ამ ლექსზე პასუხად ანეტა იურკევიჩმა დაწერა ლექსი "აკაკის". იგი არის ჭიათურის თეატრის ერთ-ერთი დამაარსებელი. ანეტა იურკევიჩი-ფირცხალაიშვილის წერილი "აკაკის უკანასკნელი დღეები" დაიბეჭდა ჟურნალში "თეატრი და ცხოვრება" (1915 წელი, №10). სცენისმოყვარე.

წყარო: ქართველ მოღვაწეთა ლექსიკონი, 1801-1952: ტ. II ე-ლ / იოსებ იმედაშვილი.-თბ.,2021.-გვ.470; burusi.wordpress.com; ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.- გვ.172