სერგი იშხანოვი

დაბადების ადგილი: ქ. თბილისი.

წლების მანძილზე მუშაობდა თბილისის ტრამვაის პარკში. 1922 წელს შევიდა კომკავშირში, იყო ტრამვაის კომკავშირული ორგანიზაციის მდივანი. 1925-1928 წლებში მუშაობდა კომკავშირის არსენალის რაიკომში, შემდეგ საქართველოს ალკკ თბილისის კომიტეტისა და ცენტრალურ კომიტეტში ხელმძღვანელ თანამდებობაზე. 1931-1938 წლებში იყო საქართველოს კომუნისტური პარტიის (ბოლშევიკური) ახალქალაქისა და  აღბულაღის (თეთრიწყარო) რაიკომებისა და თბილისის ორგანიზაციის კიროვის რაიკომის მდივნი, შემდეგ საქართველოს  კომუნისტური პარტიის (ბოლშევიკური) თბილისის კომიტეტის მეორე მდივნი. 1944 წელს აირჩიეს საქართველოს სსრ სახალხო კომისართა საბჭოს (სამინისტროს) თავმჯდომარის მოადგილედ, 1946 წლის 10 თებერვალს სსრკ უმაღლესი საბჭოს დეპუტატად. პარტიული მოღვაწე.

წყარო: ქართველ მოღვაწეთა ლექსიკონი, 1801-1952: ტ. II ე-ლ / იოსებ იმედაშვილი.-თბ.,2021.-გვ.470; საქართველოს პარლამენტის ეროვნული ბიბლიოთეკა - "ივერიელი" - dspace.nplg.gov.ge

• საქართველოს კომუნისტური პარტიის (ბოლშევიკური) ცენტრალური კომიტეტის ბიურო, წევრი (1938-)
• სსრკ პირველი მოწვევის უმაღლესი საბჭოს დეპუტატი (1938-)

• მედალი "კავკასიის დაცვისთვის"
• მედალი "1941-1945 წლებში დიდ სამამულო ომში მამაცური შრომისთვის"
• წითელი ვარსკვლავის ორდენი
  1941-1945 წლებში საომარი მასალებისა და საჭურვლის წარმოების დარგში მთავრობის უმნიშვნელოვანეს დავალებათა სანიმუშოდ შესრულებისათვის
• ლენინის ორდენი