ვახტანგ ცნობილაძე

დაბადების ადგილი: ქ. ქუთაისი.

დაამთავრა საქართველოს ინდუსტრიული ინსტიტუტის სამშენებლო ფაკულტეტი და მიენიჭა ინჟინერ-მშენებლის კვალიფიკაცია 1945 წელს.

1937-1939წწ. გაწვეული იყო საბჭოთა არმიის რიგებში, სავალდებულო სამხედრო სამსახურში; მრავალწლიანი პროფესიული შრომითი საქმიანობის პერიოდში მუშაობდა საქართველოს სხვადასხვა სამშენებლო ორგანიზაციებში; მათ შორის ყველაზე მეტ ხანს იმუშავა საქართველოს მშენებლობის სამინისტროს სამშენებლო გაერთიანება "თბილქალაქმშენის" სისტემაში; იყო გაერთიანების ნულოვანი ციკლის სამუშაოთა სპეციალური სამმართველოს უფროსი; დიდი წვლილი მიუძღვის საქართველოს სხვადასხვა რეგიონში საავტომობილო ხიდების მშენებლობაში, დ. ბაკურიანის 90 მეტრიანი ტრამპლინის, ქ. თბილისში მდ. მტკვრის სანაპიროზე საავტომობილო გვირაბის მშენებლობაში და სხვა; მრავალწლიანი ნაყოფიერი შრომითი საქმიანობისა და დამსახურებისათვის მიღებული აქვს სახელმწიფო და საუწყებო ჯილდოები, ასევე საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 295-296