თამარ ჭანტურია

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის არქიტექტურული ფაკულტეტი არქიტექტურის სპეციალობით 1972 წელს.

1972-1976წწ. მუშაობდა ქ. თბილისის ზონალურ სამეცნიერო-კვლევით, ტიპური და ექსპერიმენტული პროექტირების ინსტიტუტში ("თბილზნიეპი") უფროს მეცნიერ-თანამშრომლად; 1976-1988წწ. საქართველოს პოლიტექნიკური ინსტიტუტის არქიტექტურული ფაკულტეტის ჯერ კაბინეტ-ლაბორატორიის გამგედ, შემდეგ კი არქიტექტურის შესავლისა და გრაფიკის კათედრის ასისტენტად; 1988 წლიდან იყო ამავე ფაკულტეტის არქიტექტურის შესავლისა და გრაფიკის კათედრისა და აგრეთვე არქიტექტურული კონსტრუქციების კათედრის პედაგოგ-დოცენტი; 1996-2004წწ. საქართველოს ტექნიკური უნივერსიტეტის არქიტექტურის ინსტიტუტის დირექტორის მოადგილე; 2004-2006წწ. "ნატიფი ხელოვნების" სკოლის დირექტორი; 2006 წლიდან არის საქართველოს ტექნიკური უნივერსიტეტის არქიტექტურის, ურბანისტიკისა და დიზაინის ფაკულტეტის დეკანის მოადგილე; 2006 წლიდან არის საქართველოს ტექნიკური უნივერსიტეტის, არქიტექტურის ინსტიტუტის არქიტექტურის საფუძვლებისა და თეორიის მიმართულების ასოცირებული პროფესორი; ავტორია 19-ზე მეტი სამეცნიერო პუბლიკაციის, დამხმარე სახელმძღვანელოს და მეთოდური მითითებების არქიტექტურის საკითხებში; მონაწილეობდა არაერთ სამეცნიერო კონფერენციასა და სიმპოზიუმში; მრავალწლიანი ნაყოფიერი სამეცნიერო-პედაგოგიური მოღვაწეობისა და დამსახურებისათვის მიღებული აქვს საუწყებო ჯილდოები და საპატიო სიგელები. არქიტექტურის დოქტორი (2021), პროფესორი (2006).

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 309-310; საქართველოს ტექნიკური უნივერსიტეტი არქიტექტურის ვებგვერდი: my.gtu.ge