ზურაბ ჭუმბურიძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი და სახელმწიფო კომისიის გადაწყვეტილებით მიენიჭა ინჟინერ-მშენებლის კვალიფიკაცია 1961 წელს.

1961-1974წწ. მუშაობდა საქართველოს მშენებლობის სამინისტროს სამშენებლო გაერთიანება "მთავართბილმშენი"-ს რკინაბეტონის ნაკეთობათა ქარხნის ოსტატად, საამქროს უფროსად, მთავარ ტექნოლოგად, ქარხნის დირექტორის მოადგილედ, მთავარ ინჟინრად; 1975 წელს იგი დააწინაურეს სამშენებლო გაერთიანება "მთავართბილმშენი"-ს №2 მსხვილპანელოვანი სახლმშენებლო კომბინატის დირექტორად, სადაც მუშაობდა 1994 წლამდე; 1994 წელს №2 სახლმშენებელი კომბინატი რეორგანიზებულ იქნა სააქციო საზოგადოებად, "დუღაბი-94"-ის სახელწოდებით და ის არჩეულ იქნა ამ საზოგადოების დირექტორად, სადაც მუშაობდა 2005 წლამდე; მისი უშუალო მონაწილეობითა და ხელმძღვანელობით განხორციელდა არაერთი საცხოვრებელი კომპლექსისა და კულტურულ-საგანმანათლებლო დანიშნულების ობიექტის მშენებლობა ქ. თბილისში; დიდი წვლილი აქვს შეტანილი ქ. თბილისის უდიდესი მიკრორაიონების - "ვარკეთილისა" და "ვაზისუბნის" განაშენიანებაში; მრავალწლიანი ნაყოფიერი პროფესიული საქმიანობისა და დამსახურებისათვის მიღებული აქვს სახელმწიფო და საუწყებო ჯილდოები, ასევე საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 315-316; წყარო: დიდებული ადამიანები : ღირსეული ადამიანების ცხოვრება და ღვაწლი. ტ. 1 / ელგუჯა მგელაძე. -თბ., 2017. -გვ.493-496