იულონი გაბრიჩიძე

დაბადების ადგილი: ქ. ზესტაფონი.

დაამთავრა საქართველოს პოლიტექნიკური ინსტიტუტის ენერგეტიკის ფაკულტეტი 1955 წელს.

1955 წლიდან მუშაობდა "თბილჰიდროპროექტში" სხვადასხვა თანამდებობებზე. მნიშვნელოვანი წვლილი აქვს შეტანილი საქართველოს ჰიდროენერგეტიკის განვითარების საქმეში. მონაწილეობდა ბჟუჟის, ორთაჭალის, გუმათის, ტყიბულის, სიონის და სხვა ჰესების გამართვა-გაშვებასა და ავტომატური მართვის განხორციელებაში, ენგურჰესისა და მის კასკადში შემავალი ჰესებისათვის არასტანდარტული აპარატურის დამზადებაში. გამოქვეყნებული აქვს 55 სამეცნიერო სტატია, მონაწილეობდა სიმპოზიუმებსა და კონფერენციებში. განსაკუთრებული აღნიშვნის ღირსია მისი მოღვაწეობა გამომგონებლობის სფეროში. მიღებული აქვს 100 სსრკ საავტორო მოწმობა და საქართველოს პატენტი. ზოგიერთი გამოგონება ეკონომიკური ეფექტით დანერგილია წარმოებაში.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი,. 2016.- გვ. 58

• საქართველოს ენერგეტიკის აკადემია, აკადემიკოსი

• საქართველოს დამსახურებული ენერგეტიკოსი
• ღირსების ორდენი