მირზა ხაჩიძე

დაბადების ადგილი: დაბა ხარაგაული.

დაამთავრა საქართველოს პოლიტექნიკური ინსტიტუტი მშენებლობის ეკონომიკისა და ორგანიზაციის სპეციალობით 1973 წელს; საქართველოს მინისტრთა საბჭოსთან არსებული სახალხო მეურნეობის მართვის ინსტიტუტი 1985 წელს.

1970-1974წწ. ინსტიტუტში სწავლის პარალელურად მუშაობდა ქ. თბილისის ზონალურ სამეცნიერო-კვლევით, ტიპური და ექსპერიმენტული პროექტირების ინსტიტუტში ("თბილზნიპი") ტექნიკოსად, უფროს ტექნიკოსად, ინჟინრად და უფროს ინჟინრად; 1974-1977წწ. მუშაობდა საქართველოს საავტტომობილო გზების სამინისტროს №15 სარემონტო, სამშენებლო-სამონტაჟო სამმართველოში საწარმოო-ტექნიკური განყოფილების უფროსად; სამმართველოს რეორგანიზაციის შემდეგ გადაყვანილ იქნა ამავე სამინისტროს ხიდების სარემონტო, სამშენებლო-სამონტაჟო კომბინატში; 1977-1978წწ. მუშაობდა სამინისტროს მშენებარე ობიექტების №1 დირექციაში, საავტომობილო გზების, გვირაბების, სახიდე გადასასვლელებისა და სხვა ხელოვნური საინჟინრო ნაგებობების მშენებლობა-რეაბილიტაციის ტექნიკური ზედამხედველობის განყოფილების უფროსად; 1978-1988წწ. მუშაობდა სსრკ ენერგეტიკისა და ელექტროფიკაციის სამინისტროს საწარმოო-სამშენებლო გაერთიანება "საქჰიდროენერგომშენი"-ს სამშენებლო სამმართველო "ჟინვალჰესმშენი"-ს მრთავარი ინჟინრის მოადგილედ, შემდეგ სამმართველოს უფროსის მოადგილედ ეკონომიკურ საკითხაბში; 1988-1992წწ. მუშაობდა საბჭოთა კავშირის სატრანსპორტო მშენებლობის სამინისტროს სამშენებლო სამმართველო "კავგვირაბმშენი"-ს უფროსის მოადგილედ, სამმართველოს რეორგანიზაციის შემდეგ 1992-2003წწ. იყო სახელმწიფო სააქციო საზოგადოება - კონცერნ "საქგვირაბმშენი"-ს ვიცე-პრეზიდენტი; 2003-2006წწ. ქ. თბილისის საკრებულოს ექსპერტ-კონსულტანტად; 2006-2009წწ. იყო ჯერ სააქციო საზოგადოება "სოკოს" სამეთვალყურეო საბჭოს თავმჯდომარის მოადგილე, შემდეგ სამშენებლო კომპანია (შპს) "ინტელექტი"-ს დირექტორი; 2010 წლიდან მუშაობს სამშენებლო კომპანია (შპს) "მამისონის" გენერალური დირექტორის მოადგილედ; არის არაერთი რაციონალიზატორული წინადადების ავტორი. მრავალწლიანი შრომითი საქმიანობისა და დამსახურებისათვის მინიჭებული აქვს საქართველოს დამსახურებული მშენებლის საპატიო წოდება, მიღებული აქვს საუწყებო ჯილდოები და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 320-321