თეოფილე ხმელიძე

დაბადების ადგილი: ქ. ოზურგეთი.

დაამთავრა საქართველოს პოლიტექნიკური ინსტიტუტის სატრანსპორტო ფაკულტეტი ხიდებისა და გვირაბების მშენებლობის სპეციალობით 1973 წელს.

1973-1977წწ. მუშაობდა ოზურგეთის რაიონის საგზაო უბნის სამუშაოთა მწარმოებლად; 1978 წლიდან უბანი რეფორმირებულ იქნა საგზაო სამმართველოდ და დაინიშნა სამმართველოს მთავარ ინჟინრად; 1999-2009წწ. იყო ოზურგეთის რაიონის საგზაო სამმართველოს უფროსი; აღნიშნული სამმართველო მომსახურებას უწევდა 200კმ. ასფალტობეტონისა და 180კმ. ხრეშოვანი საფარის ადგილობრივი დანიშნულების გზებს; 2010 წლიდან მუშაობდა კომპანია "ნიუენერჯიში", "ოზურგეთი-ლესის" გზის რეკონსტრუქციაზე; 2011-2018წწ. შპს "გზამშენპროექტში" ზედამხედველ ინჟინრად ხიდების მშენებლობაზე, ქ. ქობულეთის შემოვლითი გზის მშენებლობაზე; 2018 წლიდან მუშაობს შპს "ლიდერ+"-ში ხიდების მშენებლობის ინჟინრად ქ. ბათუმის შემოვლითი გზის მშენებლობაზე; დიდი წვლილი აქვს შეტანილი ოზურგეთის რაიონის ადგილობრივი საავტომობილო გზებისა და საგზაო ინფრასტრუქტურის განვითარების საქმეში; მისი ავტოსაგზაო სფეროში მოღვაწეობის პერიოდში აშენდა და რეკონსტრუქცია ჩაუტარდა 30-მდე საავტომობილო ხიდს; აქტიურად მუშაობს საერთაშორისო მნიშვნელობის საავტომობილო გზების მშენებლობა-რეკონსტრუქციაზე; მრავალწლიანი შრომითი საქმიანობისა და დამსახურებისათვის მიღებული აქვს საუწყებო ჯილდოები და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 325-326