კობა გალდავა

დაბადების ადგილი: ქ. ქუთაისი.

დაამთავრა ბათუმის საზღვაოსნო სასწავლებლი გემთწამყვანის სპეციალობით 1994 წელს; ბათუმის სახელმწიფო საზღვაო აკადემია ინჟინერ-გემთწამყვანის, საზღვაო შტურმანის სპეციალობით 2001 წელს.

ზღვაში საქმიანობა 1993 წელს, ჯერ კიდევ საზღვაოსნო სასწავლებლის კურსანტობისას - კადეტის პოზიციაზე დაიწყო; აკადემიაში სწავლის პარალელურად კი თავდაპირველად შორეული ნაოსნობის გემების რიგით მატროსად, მოგვიანებით კი  კაპიტნის თანაშემწედ - შტურმანად ცურავდა საქართველოს საზღვაო სანაოსნოს, უცხოური კომპანიების «ANGLO-GEORGIAN SHIPPING Co»-სა და «COLUMBIA SHIPMANAGEMENT»-ის ტანკერებზე; 2000 წლიდან კობა გალდავა  კაპიტნის უფროსი თანაშემწე გახდა, 2009 წელს კი თავად დაამტკიცეს შორეული ნაოსნობის კაპიტნად; 2010 წლიდან მეთაურობს ცნობილი ბერძნული და ამერიკული სანაოსნო კომპანიების «PHOENIX SHIPPING-ის, «EAGLE BULK SHIPPING»-ისა და «EAGLE SHIP MANAGEMENT LLC»-ს გემების ეკიპაჟებს. მოქმედი შორეული ნაოსნობის კაპიტანი.

წყარო: პაატა ტაბაღუას საავტორო გვერდი: "საქართველო საზღვაო ქვეყანაა": facebook.com