ზურაბ ფორაქიშვილი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ფილოსოფიის ფაკულტეტი.

სხვადასხვა დროს იგი მუშაობდა: თბილისის 25-ე საშუალო სკოლის მასწავლებლად და სასწავლო ნაწილის გამგედ, საქართველოს კომპარტიის ცენტრალური კომიტეტის ჯერ ინსტრუქტორად და სექტორის გამგედ, შემდეგ კი მეცნიერების, კულტურის და სასწავლო დაწესებულებების განყოფილების გამგის მოადგილედ; საქართველოს უმაღლესი და საშუალო განათლების მინისტრის პირველ მოადგილედ, თბილისის სახელმწიფო უნივერსიტეტის პრორექტორად და რელიგიათმცოდნეობის კათედრის გამგედ; საქართველოს შინაგან საქმეთა სამინისტროს საზოგადოებრივი აზრის საქალაქო ინსტიტუტის რექტორად, კოლეგიის წევრად. ზურაბ ფორაქიშვილის სამეცნიერო ინტერესები, ძირითადად, რელიგიათმცოდნეობას, კერძოდ კი, საქართველოში დუხობორების ცხოვრებას შეეხებოდა. ამავე თემას ეძღვნებოდა მისი მონოგრაფია, რომელიც გასული საუკუნის 70-იან წლებში თავად ბატონ ზურაბს უნახავს აშშ-ის კონგრესის ბიბლიოთეკაში, და მისთვის წარუდგენიათ, როგორც ერთ-ერთი ფუნდამენტური ნაშრომი რელიგიური უმცირესობების შესახებ. იგი ასევე ინტერესდებოდა უსახლკარო ბავშვების პრობლემებით, რომელთა გადაჭრისთვის არაერთი სასიკეთო საქმეც გააკეთა. საქართველოს პატრიარქის უშუალო ძალისხმევით მან მცირე საწარმოც გაუხსა ასეთ ბავშვებს. ზურაბ ფორაქიშვილი აქტიურად უჭერდა მხარს სტუდენტებს, რომლებიც ქართული ენის სახელმწიფო სტატუსის შენარჩუნების მოთხოვნით, 1978 წლის აპრილში დემონსტრაციაზე გამოდიოდნენ.

წყარო: გაზეთი "თბილისის უნივერსიტეტი" : newspaper.tsu.ge; okitashvili.blogspot.com

• 2001 - ღირსების ორდენი
  მოზარდთა შორის სამართალდარღვევების პროფილაქტიკის საქმეში მნიშვნელოვანი როლის შესრულებისთვის
• 1997 - ღირსების ორდენი
  საქართველოში განათლების სისტემაში შეტანილი მნიშვნელოვანი წვლილისათვის, ნაყოფიერი სამეცნიერო-პედაგოგიური და საზოგადოებრივი მოღვაწეობისათვის
• ვახტანგ გორგასლის III ხარისხის ორდენი
  1989-1990 წლებში კი - ცხინვალის რეგიონში წარმოშობილი ლოკალური კონფლიქტის დროს დაძაბულობის მშვიდობიანი მოგვარების ღონისძიებაში აქტიური მონაწილეობისა და სამსახურებრივი მოვალეობის შესრულებისას დაღუპული პოლიციის თანამშრომლების ოჯახების მატერიალური და მორალური მხარდაჭერისთვის

• საღამოსა და დაუსწრებელი სწავლება (ავტორი). - თბილისი, თბილ. უნ-ტის გამ-ბა., 1980. - 111გვ.
• ვ. ი. ლენინი რელიგიური სექტანტობისა და მის წინააღმდეგ ბრძოლის შესახებ (ავტორი). - თბილისი, მეცნიერება, 1968. - 65გვ.