გურამ ჯავახაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი და მიენიჭა ინჟინერ-

-მშენებლის კვალიფიკაცია 1975 წელს.

1975-1985წწ. მუშაობდა საქართველოს საშენ მასალათა სამინისტროს სამეცნიერო ტექნიკურ გაერთიანება "საქსაშენმასალებ"-ში ინჟინრად, უმცროს მეცნიერ-თანამშრომლად, უფროს მეცნიერ-თანამშრომლად; 1975-1979წწ. სწავლობდა ამავე გაერთიანების დაუსწრებელ ასპირანტურაში "სამშენებლო კონსტრუქციები"-ს განხრით; 1983 წელს დაიცვა საკანდიდატო დისერტაცია და მიენიჭა ტექნიკურ მეცნიერებათა კანდიდატის ხარისხი; 1985-1992წწ. მუშაობდა ქ. თბილისის და რესპუბლიკური დონის სამეურნეო მართვის სტრუქტურებში საპასუხისმგებლო და ხელმძღვანელ თანამდებობებზე; 1992 წლიდან არის საქართველოს საინჟინრო აკადემიის პრეზიდენტის მოადგილე, ვიცე-პრეზიდენტი; დაარსებიდან, 1994 წლიდან არის სააქციო საზოგადოება კომპანია "მედინსერვი"-ს გენერალური დირექტორი, სამეთვალყურეო საბჭოს თავმჯდომარე; 1997-2000წწ. იყო რუსეთის მეცნიერებათა აკადემიის მართვის პრობლემების ინსტიტუტის დოქტორანტი - "სოციალური და ეკონომიკური სისტემების მართვის" სპეციალობით; 2003 წელს დაიცვა სადოქტორო დისერტაცია და მიენიჭა ტექნიკურ მეცნიერებათა დოქტორის ხარისხი; 2003 წლიდან საქართველოს ტექნიკური უნივერსიტეტის სრული პროფესორია. მის სამეცნიერო ინტერესთა სფეროს წარმოადგენს - "აქტიური სისტემების თეორია", ბიზნეს-პროგრამების მართვის მოდელები და მეთოდები; არის 15 მონოგრაფიის (მ. შ. გამოცემული რუსეთის ფედერაციაში და ამერიკის შეერთებულ შტატებში), 5 სახელმძღვანელოს, 2 გამოგონების, სხვადასხვა პერიოდულ გამოცემებში გამოქვეყნებული 80-მდე სამეცნიერო-ტექნიკური სტატიის ავტორი; მონაწილეა არაერთი საერთაშორისო და რესპუბლიკური სამეცნიერო კონფერენციისა და სიმპოზიუმის; არის რიგი გამოცემების რედკოლეგიის წევრი; ერთ-ერთი ინიციატორია 2005 წლიდან საქართველოში გამართული საერთაშორისო კონფერენციებისა "მეცნიერება და რელიგია", 2008 წლიდან სრულიად საქართველოს კათოლიკოს-პატრიარქის მიერ "თანადგომის დღედ" 1 ივლისის დაწესებისა; დაარსებიდან, 2017 წლიდან არის საქველმოქმედო ფონდი "საქართველოს მომავლისათვის" გამგეობის თავმჯდომარე; დაჯილდოვებულია სრულიად საქართველოს საპატრიარქოს და ცალკეული ეპარქიების საპატიო სიგელებით, საერთაშორისო საინჟინრო აკადემიის საპატიო დიპლომით, "ამერიკის ბიოგრაფიული ინსტიტუტი"-ს დიდი სისტემების მართვის ექსპერტის დიპლომით (შეყვანილია ამავე ინსტიტუტის მიერ გამოცემულ ექსპერტების საერთაშორისო ცნობარში).

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 330-331; საქართველოს მეცნიერებათა დოქტორები 1992-2006 / შემდგ. და რედ. ირინა ჯაფარიძე.-თბ.,2012.- გვ.260-261

• ინფორმატიზაციის საერთაშორისო აკადემია (გაეროს გენერალური კონსულტანტი), ნამდვილი წევრი
• რუსეთის ფედერაციის საბუნებისმეტყველო მეცნიერებათა აკადემია, უცხოელი წევრი
• რუსეთის ფედერაციის საინჟინრო აკადემია, უცხოელი წევრი
• საერთაშორისო საინჟინრო აკადემია, ნამდვილი წევრი
• საქართველოს საინჟინრო აკადემია, ნამდვილი წევრი

• 2022 - საერთაშორისო საინჟინრო აკადემიის ოქროს მედალი "საინჟინრო დიდება"
  საინჟინრო საქმის განვითარებაში შეტანილი განსაკუთრებული წვლილისათვის
• 2020 - სრულიად საქართველოს კათოლიკოს-პატრიარქის სპეციალური სიგელი
  ეკლესიათა აღმშენებლობისა და მრავალი ქველი საქმის განხორციელებისთვის
• 2014 - მეცნიერების ისტორიის საქართველოს საზოგადოების მედალი
  მეცნიერებაში მიღწეული წარმატებებისთვის
• 2002 - ღირსების ორდენი
  მრავალწლიანი ნაყოფიერი სამეცნიერო-პედაგოგიური მოღვაწეობისა და დამსახურებისათვის საქართველოს პრეზიდენტის განკარგულებით

• სისტემური მსოფლმხედველობა და ანტიკრიზისული სტრატეგიის პრობლემები (თანაავტორი). - თბილისი, ტექნ. უნ-ტი, 2009. - 190გვ.. - ISBN: 9789941143892
• К вопросу поддержки принятия решений в управлениии бизнес-программами (ავტორი). - Москва-Тбилиси, Мецниереба, Институт проблем управления Российской академии наук, Грузинский Технический университет, 2003. - 220с.
• მენეჯმენტის საფუძვლები : სახელმძღვ. (თანაავტორი). - თბილისი, თსუ ს.ა.კ. "ცოდნის წყარო", 1997. - 407გვ.