გიორგი გელდიაშვილი

დაბადების ადგილი: ქ. გორი.

დაამთავრა საქართველოს პოლიტექნიკური ინსტიტუტი, ინჟინერ-მშენებლის კვალიფიკაციით 1944 წელს.

1941-1943წწ. მუშაობდა გორის საშუალო სკოლის ფიზიკისა და მათემატიკის მასწავლებლად; 1943-1944წწ. ტრესტ ხრამჰესმშენის ინჟინერი, ჩრთილოეთ კავკასიაში ბაქსანჰესის აღდგენითი სამუშაოები, ინჟინრი; 1944-1951წწ. ხრამჰეს-1-ის ტექნიკური და სამეწარმეო-ტექნიკური განყოფილებების ინჟინერ-დამპროექტებელი და ინჟინერ-დისპეჩერი; 1951-1955წწ. ტრესტ "საქჰიდროენერგომშენის" ტექნიკური განყოფილების უფროსი ინჟინერი და ელექტრომექანიკური განყოფილების ერთ-ერთი ჯგუფის ხელმძღვანელი; 1955-1964წწ. ხრამჰეს-2-ის სამშენებლო-სამონტაჟო სამმართველოს ტექნიკური განყოფილების უფროსი ინჟინერი, უფროსი; 1964-1973წწ. ენგურჰესის "გვირაბმშენის" სამმართველოს მთავარი ინჟინერი. მრავალი რაციონალიზატორული წინადადების ავტორი. დაჯილდოებულია სახელმწიფო და საუწყებო ჯილდოებით. 

წყარო:  საქართველოს ენერგეტიკოსები=Georgian Power Engineers: ენციკლოპედია.- თბილისი,. 2016.- გვ. 68-69

• მედალი "შრომითი წარჩინებისთვის"
• მედალი "შრომითი მამაცობისთვის"