დავით ჯანყარაშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი ხიდების, გვირაბებისა და აეროპორტების მშენებლობის სპეციალობით 1969 წელს.

1969-1973წწ. მუშაობდა ჯერ სსრკ სატრანსპორტო მშენებლობის სამინისტროს დაქვემდებარებაში არსებულ საპროექტო ინსტიტუტ "კავგიპროტრანსში" უფროს ინჟინრად, შემდეგ კი საქართველოს მეცნიერებათა აკადემიის ა. რაზმაძის სახელობის მათემატიკის ინსტიტუტის ინჟინრად; 1973-1977წწ. იყო საქართველოს მეცნიერებათა აკადემიის კ. ზავრიევის სახელობის სამშენებლო მექანიკისა და სეისმომედეგობის ინსტიტუტის ზღვრული წონასწორობის განყოფილების ასპირანტი; 1977-1979წწ. მუშაობდა საქართველოს მეცნიერებათა აკადემიის ა. რაზმაძის სახელობის მათემატიკის ინსტიტუტის ინჟინრად; 1974 წლიდან მუშაობს საქართველოს ტექნიკური უნივერსიტეტის (ყოფილი პოლიტექნიკური ინსტიტუტის) საინჟინრო მექანიკისა და ტექნიკური ექსპერტიზის დეპარტამენტის სამშენებლო მექანიკისა და ნაგებობათა სეისმომედეგობის კათედრის ასოცირებული პროფესორის თანამდებობაზე; 1969-1973წწ. მონაწილეობდა ქ. თბილისის მეტროპოლიტენისა და ქ. სუმგაითის (აზერბაიჯანი) სარეცხი ფხვნილების ქარხნის პროექტების დამუშავებაში; 2010 წლიდან მონაწილეობა აქვს მიღებული მრავალი მნიშვნელოვანი შენობა-ნაგებობის მდგრადობის კვლევაში და ახალი სამრეწველო და სამოქალაქო დანიშნულების ობიექტების მშენებლობის პროექტების ექსპერტიზაში; მრავალწლიანი შრომითი საქმიანობისა და დამსახურებისათვის მიღებული აქვს საუწყებო ჯილდოები და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ.335-336