მარო გაბიანი

დაბადების ადგილი: სოფელი შკედი, ლენტეხის მუნიციპალიტეტი.

დაამთავრა თბილისის პედაგოგიური სასწავლებელი 1933 წელს; თბილისის ზოოვეტერინალური ინსტიტუტი 1937 წელს.

მუშაობდა ლენტეხის რაიონში მთავარი ვეტექიმის თანამდებობაზე, 1944 წელს სამუშაოდ გადავიდა მესტიის რაიონში და სოფელ ლატალში ორი წელი იმუშავა სკოლაში მასწავლებლად; 1946-1950წწ. დაინიშნა მესტიის რაიონის მთავარ ვეტექიმად, შემდეგ მუშაობა განაგრძო მესტიის სარაიონათაშორისო ვეტერინალური ბაქტერიოლოგიური ლაბორატორიის გამგის თანამდებობაზე. სხვადასხვა დროს არჩეული იყო ლენტეხის რაიონული საბჭოს დეპუტატად, ლენტეხის რაიონული კომიტეტის ბიუროს წევრად და მესტიის სასოფლო საბჭოს დეპუტატად.

წყარო: სვანეთი და სვანები / ირაკლი დვალი, გივი ქურდიანი.-თბ., 2014.-გვ.112

• ლენტეხის რაიონული კომიტეტის ბიურო, წევრი

• 1960 - საქართველოს დამსახურებული ექიმი (ვეტექიმი)