ჯემალ გაბულდანი

დაბადების ადგილი: სოფელი ბეჩო, ახლანდელი მესტიის მუნიციპალიტეტი.

დაამთავრა თბილისის ზოოვეტერინალური ინსტიტუტი 1989 წელს. 

ინსტიტუტის დამთავრების შემდეგ დაბრუნდა თავის მშობლიურ მესტიის რაიონში და მუშაობა დაიწყო ჯერ სოფელ ბეჩოში, ხოლო შემდეგ სოფელ ხაიშში მთავარ ვეტექიმად. საქართველოს ეროვნული გვარდიის ჩამოყალიბების პირველივე წელს, ჩადგა სამშობლოს დამცველთა რიგებში. იყო სპეციალური დანიშნულების ბატალიონის მეთაურის მოადგილე. დაიღუპა 1992 წლის ოქტომბერში გაგრის მისადგომებთან, კერძოდ სოფელ განთიადთან, წარმოებულ გააფრთებული ბრძოლის დროს. საქართველოს ტერიტორიული მთლიანობისათვის აქტიური მებრძოლი, აფხაზეთის ომის მონაწილე, გვარდიის მაიორი.

წყარო: სვანეთი და სვანები / ირაკლი დვალი, გივი ქურდიანი.-თბ., 2014.-გვ.113; მემატიანე: mematiane.ge

• მედალი "მხედრული მამაცობისთვის" (გარდაცვალების შემდეგ)