
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

ქრისტინე თოდუა-წულუკიძე

Legal name:	ქრისტინე თოდუა
Other name:	ბადუ თოდუა-წულუკიძე
Date of birth:	7 December, 1898
Date of death:	2 May, 1981 (at 82 years)
Burial location:	დოროთეენშტადტის სასაფლაო, ბერლინი (გერმანია)
Category:	Medical Doctor

Biography

დაიბადა მღვდლის, დავით თოდუასა და ნატალია გეგეჭკორის ოჯახში. დავით თოდუა სოფელ სალხინოში დადიანების კარის ეკლესიის მღვდელი იყო და იქ მსახურობდა, მას განათლება გრიგოლ დადიანის ხელშეწყობით მიუღია რუსეთში. ქრისტინემ განათლება ქუთაისში მიიღო. საქართველოს დამოუკიდებლობის წლებში ქრისტინე სოხუმში მუშაობდა მასწავლებლად ქალთა ეპარქიულ გიმნაზიაში. 1920 წელს სწორედ აქ გაიცნო მან მომავალი მეუღლე, სოციალ-დემოკრატი, ლიტერატორი მიხეილ წულუკიძე, რომელიც აფხაზეთის ეროვნული საბჭოს წევრი იყო. 1921 წლის თებერვალში, საბჭოთა ოკუპაციისა და იმხანად მიხეილის პოლიტიკურ-საზოგადოებრივი საქმიანობის გამო წყვილმა საქართველოს დატოვება გადაწყვიტა. ქრისტინე წულუკიძის მოგონებებს მუდმივად გასდევს თან სოხუმისა და სალხინოს პერიოდების განსაკუთრებული მონატრება. მიხეილ და ქრისტინე წულუკიძეებმა, სხვა ქართველ ემიგრანტებთან ერთად დაახლოებით 1922 წლისთვის გერმანიაში, ბერლინში ჩააღწიეს, სწორედ აქედან იწყება ოჯახის ცხოვრების ახალი, გრძელი და სირთულეებით აღსავსე ეტაპი. უკიდურესი გაჭირვების გამო წულუკიძეები ბერლინთან ახლოს ადლერსჰოფში, წითელი ჯვრის ლტოლვილთა ბანაკებში დასახლდნენ და იქ წლების მანძილზე ცხოვრობდნენ. ქრისტინემ გადაწყვიტა, სამედიცინო ფაკულტეტზე ჩაებარებინა უნივერსიტეტში და მიაღწია კიდეც ამას. როგორც უცხოელს, სწავლის პროცესში განსაკუთრებით დიდი ჯაფა დაადგა, თუმცა შეუპოვარი, მიზანსწრაფული ხასიათის წყალობით 1935 წლისთვის წარმატებით დაასრულა ძირითადი კურსი და დოქტორანტურაში განაგრძო სწავლა. წლების მანძილზე სწავლისა და მუშაობის შედეგად მოახერხა, ფეხზე დაეყენებინა ოჯახი, 1930-1940 წლებში შეძლო, თავი დაეღწია უკიდურესი გაჭირვებისთვის, რაც ქართველი ემიგრანტების უმეტესი ნაწილის ხვედრი იყო. ომის პერიოდში ქრისტინე წულუკიძე ექიმად მუშაობდა ერთ-ერთ ბუნკერში. მოგვიანებით, 1945 წელს, მეორე მსოფლიო ომის დასრულების შემდეგ, გამარჯვეული ძალების მიერ გავლენის სფეროებად დაყოფილ ბერლინში ქრისტინე წულუკიძის ბინა და სამედიცინო პრაქტიკა საბჭოთა სექტორში მოექცა. დაახლოებით 1967-1968 წლებში ქრისტინემ გაიცნო ბერლინში მყოფი კონტანტინე გამსახურდია და მისი მეუღლე მირანდა. გარდაიცვალა 1981, ისე, რომ საქართველოში ვეღარ ჩამოვიდა. დაკრძალულია ბერლინში.

წყარო: ჩემი თავგადასავალი და ზოგიერთნი მოგონებანი / ქრისტინე (ბადუ) თოდუა-წულუკიძე.-თბ.,2019.-224გვ. (scribd.com)

Bibliography

ჩემი თავგადასავალი და ზოგიერთნი მოგონებანი (Author). - თბილისი, 2019. - 224გვ.