გოგი წულუკიძე

დაბადების ადგილი: ქ. ბერლინი, გერმანია.

დაამთავრა სამედიცინო უნივესიტეტი გერმანიაში.

დაიბადა ქრისტინე თოდუა-წულუკიძისა და მიხეილ წულუკიძის ოჯახში. 1945 წელს, მეორე მსოფლიო ომის დასრულების შემდეგ, გამარჯვებული ძალების მიერ გავლენის სფეროებად დაყოფილ ბერლინში ქრისტინე წულუკიძის ბინა და სამედიცინო პრაქტიკა საბჭოთა სექტორში მოექცა. წულუკიძეების ოჯახი ბერლინიდან არ წავიდა და ქრისტინე შვილთან, გოგი წულუკიძესთან ერთად ბოლომდე იქ დარჩა. ის თავისი დროის საკმაოდ წარმატებული ექიმი იყო. რუსული ენის მცოდნე ექიმები საბჭოთა ხელისუფლებას სჭირდებოდა და, რამდენადაც წულუკიძეების ოჯახი ანტისაბჭოთა პოლიტიკური მუშაობით ამ პერიოდისთვის არ გამოირჩეოდა, მათ შეეძლოთ, მეტ-ნაკლებად მშვიდად გაეგრძელებინათ ცხოვრება ბერლინის აღმოსავლეთ ნაწილში. ქრისტინე და გოგი წულუკიძეებთან საბჭოთა პერიოდში არაერთი ქართველი მკურნალობდა და იღებდა სამედიცინო რჩევებს. ზოგადად მათი სახლის კარი ღია იყო იმ ქართველებისთვის,  რომლებიც XX საუკუნის 60-70-იან წლებში აღმოსავლეთ ბერლინს ესტუმრებოდნენ ხოლმე. საქართველოში ექიმი გოგი წულუკიძე არასდროს ყოფილა, თუმცა ის მშობლების დამსახურებით ქართულს საკმაოდ გამართულად ფლობდა. გოგი წულუკიძემ უპატრონა დედ-მამის მემკვიდრეობას და შეინახა წერილები, ჩანაწერები და მოგონებები. ქართული ემიგრაციის წარმომადგენელი გერმანიაში.

წყარო: ჩემი თავგადასავალი და ზოგიერთნი მოგონებანი / ქრისტინე (ბადუ) თოდუა-წულუკიძე.-თბ.,2019.-224გვ. (scribd.com)