გრიგოლ ჯიშკარიანი

დაბადების ადგილი: სოფელი გუმათი, წყალტუბოს რაიონი.

დაამთავრა საქართველოს პოლიტექნიკური ინსტიტუტის ქუთაისის ფილიალის საღამოს დასწრებული სწავლების განყოფილება, ავტომატიკა-ტელემექანიკის სპეციალობით და მიენიჭა ინჟინერ-ელექტრიკოსის კვალიფიკაცია 1969 წელს.

1959-1962წწ. გაწვეული იყო საბჭოთა არმიის რიგებში, სავალდებულო სამხედრო სამსახურში, სადაც სამხედრო სამსახურს გადიოდა პანტონური ხიდების მშენებლობის ბატალიონში; საბჭოთა არმიის რიგებიდან დემობილიზაციის შემდეგ მუშაობდა ელექტრო მემონტაჟედ; უმაღლეს სასწავლებელში სწავლის პერიოდში მუშაობდა საქართველოს მინისტრთა საბჭოსთან არსებული სამონტაჟო და სპეციალური სამუშაოების მთავარი სამმართველოს ელექტრო-სამონტაჟო ტრესტ "საქელექტრომონტაჟის" ქუთაისის ელექტრო-სამონტაჟო სამმართველოში საწარმოო-ტექნიკური განყოფილების უფროს ინჟინრად; 1969 წელს გადაიყვანეს ამავე სამმართველოს ქ. ფოთის სამონტაჟო უბნის უფროს ინჟინრად; 1973-1996წწ. მუშაობდა ელექტრო-სამონტაჟო ტრესტ "საქელექტრომონტაჟი"-ს ქუთაისის ელექტრო-სამონტაჟო სამმართველოს ქუთაისის სამონტაჟო უბნის უფროსად; 1996-2009წწ. მუშაობდა ქ. მოსკოვში სამშენებლო ფირმა "ბემ"-ში, სამშენებლო კომპანია (შპს) "მინსკაია-2"-ში და "ვიტმა-1"-ში მთავარ ენერგეტიკოსად; 2009 წლიდან საქართველოში დაბრუნების შემდეგ მუშაობდა ჯერ სამშენებლო კომპანია (შპს) "ბკ კაპიტალ"-ში მთავარ ენერგეტიკოსად; 2019 წლიდან არის სამშენებლო კომპანია (შპს) "ბკ კონსტრაქშენი"-ს მთავარი ენერგეტიკოსი; მისი უშუალო მონაწილეობითა და ხელმძღვანელობით შესრულებულია სპეციალური ელექტრო-სამონტაჟო სამუშაოები მრავალი სამრეწველო, კულტურულ-საგანმანათლებლო, საცხოვრებელი და ინფრასტრუქტურული დანიშნულების მნიშვნელოვანი ობიექტების მშენებლობაზე საქართველოს რეგიონებში და საზღვარგარეთ; მრავალწლიანი პროფესიული შრომითი საქმიანობისა და დამსახურებისათვის მიღებული აქვს საუწყებო ჯილდოები და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 344