მიხეილ ბობოხიძე

დაბადების ადგილი: სოფელი გორდი, ხონის რაიონი.

დაამთავრა სოფელ გორდას ვეტერინარული ტექნიკუმის ვეტერინარიის ფაკულტეტი 1949 წელს; ქუთაისის სასოფლო სამეურნეო ინსტიტუტის აგრონომიული ფაკულტეტი 1957 წელს.

1949 წელს მუშაობა განაგრძო ქუთაისის ვეტ-სამკურნალოში ვეტ-ფერშლად; 1957-1960წწ. მუშაობდა წყალტუბოს რაიონის სოფელ მაღლაკის კოლმეურნეობის მთავარი აგრონომის პოზიციაზე; 1960 წლიდან ჩაისა და სუბტროპიკული კულტურების სრულიად საკავშირო სამეცნიერო კვლევითი ინსტიტუტის უმცროს მეცნერ-მუშაკად, შემდეგ უფროს მეცნიერ-მუშაკად და ბოლოს ეროზიის განყოფილების გამგედ; 1988-1989წწ. ეროზიის საწინააღმდეგო ღონისძიებების დანერგვის მიზნით კვლევის ჩასატარებლად მივლინებულ იქნა კუბის რესპუბლიკაში; 2006 წელს საქართველოს სუბტროპიკული მეურნეობის უნივერსიტეტის აკადემიურმა საბჭომ მიანიჭა უნივერსიტეტის საპატიო პროფესორის წოდება; 2007 წელს გამოსცა დამხმარე სახელმძღვანელო სოფლის მეურნეობის დარგში მომუშავე სპეციალისტებისთვის - "ციტრუსოვანი კულტურები იმერეთის რეგიონში"; 2011 წელს მუშაობდა სსიპ აკაკი წერეთლის სახელმწიფო უნივერსიტეტში აგრარულ ფაკულტეტზე სპეციალისტად; სოფლის მეურნეობაში, ნაყოფიერი მუშაობისთვის მისი საქმიანობა აღინიშნა საქართველოს და საკავშირო სოფლის მეურნეობის სამინისტროების მიერ მრავალი საპატიო სიგელითა და სამკერდე ნიშნით. იყო სახალხო მეურნეობის მიღწევათა გამოფენის მრავლგზის მონაწილე. მიღებული აქვს აფხაზეთის ა/რ დამსახურებული აგრონომის წოდება. 60 ზე მეტი სამეცნიერო ნაშრომის, 1 მონოგრაფიის და 1 სახელმძღვანელოს ავტორი; საქართველოს სუბტროპიკული მეურნეობის უნივერსიტეტის საპატიო პროფესორი, სოფლის მეურნეობის მეცნიერებათა დოქტორი.

საკანდიდატო დისერტაცია თემა - "რიგთაშორისებში ნიადაგის დამუშავების ღონისძიებათა დადგენა აფხაზეთის ა/რ-ში ძლიერ ეროზირებულ ფერდობებზე გაშვებულ მანდარინის ბაღებში", დაიცვა 1979 წელს.

• საქართველოს ეკოლოგიური მეცნიერებათა აკადემია, წევრ-კორესპონდენტი (1984-1996)
• საქართველოს ეკოლოგიური მეცნიერებათა აკადემია, ასოცირებული წევრი (1996-2006)

• 2013 - ღირსების ორდენი

• ციტრუსოვანი კულტურები იმერეთის რეგიონში (ავტორი). - ქუთაისი, 2007. - 102გვ.