The National Library of Georgia Home - About Library - E-Resources 
  Login
Biographical Dictionary  
English   Georgian
HomeCategories  
Search
Person Name:

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography
Correction

ნანა ახალაძე

ნანა ახალაძე
Date of birth:15 November, 1946  (78 years)
Category:Translator, Educator, Philologist

Biography

დაბადების ადგილი: ქ. ბათუმი.

დაამთავრა თბილისის სახელმწიფო უნივერსიტეტის დასავლეთ ევროპის ენებისა და ლიტერატურის ფაკულტეტი 1967 წელს და ასპირანტურა.

1977-2009 წლებში ლექციებს კითხულობდა ბათუმის შოთა რუსთაველის სახელობის სახელმწიფო პედაგოგიურ ინსტიტუტში, ბათუმის სახელმწიფო უნივერსიტეტსა და ხელოვნების ინსტიტუტში. 1993-1997 წლებში იყო ბათუმის აგრარული ტექნოლოგიებისა და ბიზნესის სამეცნიერო-კვლევითი და სასწავლო ინსტიტუტის ჰუმანიტარული დისციპლინების კათედრის გამგე. სხვადასხვა დროს მუშაობდა სკოლებში მასწავლებლად, სასწავლო ნაწილის გამგედ, აჭარის განათლების სამინისტროს მეთოდისტად. 1993 წელს დააფუძნა პედაგოგიური გაზეთი "სინათლე", 2000-2004 წლებში აჭარის ავტონომიური რესპუბლიკის განათლების სამინისტროს გაზეთი "განათლება"- მთავარი რედაქტორი; ხოლო 2007-2013 წლებში - გაზეთ "აჭარა P.S. "- ჟურნალისტი, რუსული ვერსიის რედაქტორი; ტელეკომპანია "ERA" - სტუდიის "ქვაკუთხედის" წამყვანი ჟურნალისტი. ავტორია 12 წიგნისა და 20-მდე სამეცნიერო ნაშრომისა. ფრანგ კლასიკოსთა მისეული თარგმანები და ლიტერატურული წერილები ქვეყნდება ჟურნალებში: "ლიტერატურული პალიტრა", "ჩვენი მწერლობა", "საუნჯე", "ჭოროხი", "მწვანეყვავილობა". გამოცემული აქვს კრებულები: "მოსწავლეთა ესთეტიკური აღზრდა თეატრალური ხელოვნების საშუალებით" (ქ. ერევანი, 1990), გი დე მოპასანი "რჩეული ნოველები" (1997), "ფრანგული ნოველები" (2000),  "არდაკარგვის ამაგი" (ტრილოგია აჭარაში მოღვაწე განათლების სფეროს ღვაწლმოსილ ადამიანებზე, 2012, 2014, 2018, ბათუმი), "ფრანგული ზღაპრები" (ბათუმი, 2016), "ფრანგული ზღაპრები" (2019), "ცოდნის ლაბირინთები" (პედაგოგიური ნაშრომი, I ნაწილი, თანაავტორთან, 2018). მიღებული აქვს აჭარის ავტონომიური რესპუბლიკის უმაღლესი საბჭოს პრეზიდიუმის საპატიო სიგელი (ორგზის).

წყარო: საინფორმაციო ცნობარი აჭარაში მოღვაწე მწერალთა შესახებ / შემდგენელი ცისანა ანთაძე.-ბათუმი, 2019.-გვ.13; გაზეთი "აჭარა": gazetiajara.ge

Member of Organizations

  • ბათუმის სასწავლო ინსტიტუტის სამეცნიერო საბჭო, წევრი (1993-1997)
  • საქართველოს პედაგოგთა უფლებების დაცვის კავშირის აჭარის რეგიონალური ორგანიზაცია, თავმჯდომარე (1990-)
  • საქართველოს ფაზისის მეცნიერებათა აკადემია, წევრი (2003-)

Awards and Honors

  • 2018 - იაკობ გოგებაშვილის სახელობის პრემია (ვერცხლის მედალი)
    პედაგოგიურ დარგში განსაკუთრებული დამსახურებისთვის

Bibliography

Share: