თენგიზ ფაღავა

დაბადების ადგილი: ქ. ბათუმი.

დაამთავრა ბათუმის საზღვაოსნო სასწავლებელი გემთწამყვანის სპეციალობით 1958 წელს; ოდესის უმაღლესი საზღვაო-საინჟინრო სასწავლებლის (ОВИМУ) საინჟინრო-საექსპლუატაციო ფაკულტეტი 1980 წელს.

1958 წელს, სასწავლებლის დასრულების შემდეგ სავალდებულო სამხედრო სამსახური სევასტოპოლში, სამხედრო-საზღვაო ფლოტში  მოიხადა; მისი მთელი ცხოვრება ზღვასა და ზღვაში საქმიანობას, თევზჭერასა და ზღვაოსნობას, საზღვაო-სანავსადგურო საქმიანობას უკავშირდება; 1962 წლიდან იგი ჯერ აჭარის თევზჭერის სამმართველოს ტრაულერების, 1965 წლიდან კი  ოდესაში ბაზირებული შავი ზღვის სანაოსნოს მშრალტვირთა ხომალდების კაპიტნის მესამე, მეორე და უფროს თანაშემწედ ცურავდა; 1968 წელს უკვე გამოცდილი შტურმანი მშობლიურ ქალაქს დაუბრუნდა და კაპიტნის თანაშემწედ საქმიანობა ახლად დაარსებული საქართველოს საზღვაო სანაოსნოს შორეული ნაოსნობის გემებზე განაგრძო; 1975 წელს, სსრკ საზღვაო ტრანსპორტის სამინისტროს კოლეგიის გადაწყვეტილებით შორეული ნაოსნობის კაპიტნად დამტკიცებული თენგიზ ფაღავა, საქართველოს სანაოსნოს სხვადასხვა გემის ეკიპაჟს მეთაურობდა; ცურავდა ტანკერებზე: «Боржоми», «Гори», «Кутаиси», «Форе Мосулишвили» და სხვა. მან 1980 წელს ოდესის უმაღლესი საზღვაო-საინჟინრო სასწავლებლის დაუსწრებლად დაამთავრების შემდგომ შრომითი საქმიანობა ნაპირზე განაგრძო; 1990-1996წწ. იგი საქართველოს საზღვაო სანაოსნოს სამაშველო ცენტრს ხელმძღვანელობდა; 1996-2005წწ. დამსახურებულ პენსიაზე გასვლამდე ბათუმის საზღვაო ნავსადგურის სანავსადგურო ფლოტის კაპიტან-დამრიგებლის მოვალეობებს ასრულებდა. თ. ფაღავას ხსოვნის საპატივსაცემოდ ნავსადგურის აკვატორიაში მუშაობს საზღვაო ბუქსირი წარწერით - "კაპიტანი თენგიზ ფაღავა". შორეული ნაოსნობის კაპიტანი. 

წყარო: პაატა ტაბაღუას საავტორო გვერდი: "საქართველო საზღვაო ქვეყანაა": facebook.com