ვახტანგი გომელაური

დაბადების ადგილი: ქ. ჭიათურა.

დაამთავრა საქართველოს ინდუსტრიული ინსტიტუტი 1936 წელს; თბილისის სახელმწიფო უნივერსიტეტის ფიზიკა-მათემატიკის ფაკულტეტი 1938 წელს; ასპირანტურა 1945 წელს.

1938-1940წწ. მუშაობდა თბილელექტროცენტრალში სატურბინო საამქროს უფროსად; 1947-1965წწ. საქართველოს მეცნიერებათა აკადემიის ენერგეტიკის ინსტიტუტის თბოენერგეტიკის განყოფილების გამგედ; 1953-1956წწ. საქართველოს მეცნიერებათა აკადემიის  ფიზიკის ინსტიტუტის კვლევითი ატომური რეაქტორის მშენებლობის ხელმძღვანელად; 1965-1970წწ. იყო სტაბილური იზოტოპების ინსტიტუტებში მის მიერ დაარსებული თბური ფიზიკის ლაბორატორიის გამგე; 1965 წლიდან საქართველოს პოლიტექნიკური ინსტიტუტის ზოგადი და თეორიული თბოტექნიკის კათედრის პროფესორი; 1976-1982წწ. საქართველოს მეცნიერებათა აკადემიასთან არსებული სოხუმის ფიზიკა-ტექნიკური ინსტიტუტის თბილისის ლაბორატორიის უფროსი მეცნიერ-თანამშრომელი; 1984-1995წწ. მართვის ინსტიტუტში ენერგეტიკის პრობლემების განყოფილების გამგე; 1987 წელს სახელმწიფო მართვის სისტემების დირექტორის მრჩეველი. მისი ხელმძღვანელობით აღიზარდა ქართველ თბოტექნიკოსთა მრავალი თაობა. 100-ზე მეტი სამეცნიერო ნაშრომის ავტორი. ეწეოდა ნაყოფიერ საზოგადოებრივ საქმიანობას. დაჯილდოებული იყო მთავრობის ორდენებითა და მედლებით.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი,. 2016.- გვ.87-88

• ტექნიკური თერმოდინამიკის საფუძვლები : სახელმძღვ. პოლიტექნ. ინ-ტის ენერგეტიკ. ფაკ-ის სტუდენტებისათვის (ავტორი). - თბილისი, განათლება, 1979. - 320გვ.
• სითბოს და მასის გადაცემის თეორიის საფუძვლები : სახელმძღვ. პოლიტექნ. ინ-ტის სტუდენტებისათვის (ავტორი). - თბილისი, განათლება, 1974. - 400გვ.