ბარამ ბარათაშვილი

ბარათაშვილი ბარამ ფარემუზის (გერმანოზის?!) ძე, ზოგჯერ გერმანოზიშვილადაც მოიხსენიება. იყო ფარნაოზ ბატონიშვილის თანშეზრდილი, 1801 წელს გადაჰყვა მას და იულონს იმერეთში; 1805 წლის 11 იანვარს დააპატიმრეს ციციანოვის განკარგულებით; 1806 წლის 4 აგვისტოს ისევ ციხეში იმყოფებოდა; 1813 წელს ახლდა ალექსანდრე ბატონიშვილს სპარსეთში. 1814 წელს კი მასვე შატილში გაჰყვა. მის ლექსს "შენდა შეყრამდის ვით გასძლებს გული" ქართველი მომღერლები ახლაც ასრულებენ სხვა სუფრის სიმღერებთან ერთად; არის ავტორი ლექსებისა: "ჰოი ვარდო, მოდი ნუ ინაზები", "აფროდიტო ამობრწყინდი", "ნუ მწვამ, მიჯნურო", "ჰსცუალებენ ტაროსნი ჟამთა და დართა", "ეჰა, მთიები მთენია".

წყარო: ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.- გვ. 45