
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

თამარ ბაგრატიონი

Other name:	თამარ ბაგრატიონი-მიწიშვილი
Date of birth:	1908
Date of death:	1979 (at 71 years)
Category:	Humanitarian

Biography

1937 წლის 5 ივლისს პოლიტბიურომ მიიღო დადგენილება, რომლის საფუძველზე 15 აგვისტოს გამოიცა საბჭოთა კავშირის შინაგან საქმეთა კომისრის, ეჟოვის ოპერატიული ბრძანება №00486, რომელმაც განსაზღვრა ათასობით საბჭოთა ქალისა და ბავშვის მომავალი ბედი თუ უბედობა. ცისფერყანწელი ნიკოლოზ მიწიშვილი ანტისაბჭოთა საქმიანობის, აგიტაცია-პროპაგანდისა და მავნებლობის ბრალდებით 1937 წლის 2 ივნისს დააპატიმრეს შინსახკომის ორგანოებმა, 2 ივლისს გაასამართლეს და განაჩენი - დახვრეტა სისრულეში 12 ივლისს მოიყვანეს. რეპრესიებს ვერ აცდა მისი მეუღლე, თამარ ბაგრატიონი. 1931 წელს მოსკოვში დაბეჭდილა ღია საფოსტო ბარათები განზოგადებული სახელწოდებით - "ქართველი ქალი", რომლებზეც ქართულ ეროვნულ ტანსაცმელში გამოწყობილი თამარ ბაგრატიონი იყო გამოსახული. თამარ ბაგრატიონის შესახებ შინაგან საქმეთა სამინისტროს არქივში 1956 წლის საინფორმაციო ცნობაა შემონახული, რომლის მიხედვითაც, თამარ ბაგრატიონ-მიწიშვილს შეეფარდა საქართველოს სსრ სისხლის სამართლის 58-10 და 58-11 მუხლები, დააპატიმრეს 1937 წლის 15 ოქტომბერს გაცემული ორდერის საფუძველზე. აღსანიშნავია, მან თავი დამნაშავედ არ ცნო, სასამართლოზე განაცხადა, რომ დანაშაული არ ჩაუდენია და არც ქმრის დანაშაულებრივ ქმედებებზე იცის რამე. შინსახკომის განსაკუთრებული სათათბიროს 1938 წლის 7 იანვრის დადგენილებით, როგორც "ხალხის მტრის" ოჯახის წევრს, მიესაჯა 8 წლით გადასახლება შრომა-გასწორების ბანაკში. თბილისში დაბრუნდა 1945 წელს, გარდაიცვალა 1979 წელს, 70 წლის ასაკში. რეპრესირებული.

წყარო: ფოტო ამბები: facebook.com