სალომე ბენიძე

დაბადების ადგილი: ქ. ქუთაისი.

დაამთავრა ივანე ჯავახიშვილის სახელობის თბილისის სახელმწიფო უნივერსიტეტის სოციალურ და პოლიტიკურ მეცნიერებათა ფაკულტეტი, ტელე-რადიო ჟურნალისტიკის მიმართულებით (ბაკალავრის ხარისხი) 2007 წელს; სხვადასხვა დროს სწავლობდა ვილნიუსის უნივერსიტეტში პოლიტიკური მეცნიერებების მიმართულებით (ბაკალავრიატი) და ალექსანდრეს სახელობის თესალონიკის ტექნოლოგიურ ინსტიტუტში საზოგადოებასთან ურთიერთობის სპეციალობით (მაგისტრისტრატურა).

მუშაობდა და დღემდე მუშაობს საჯარო და არასამთავრობო ორგანიზაციებში, ასევე მასმედიაში. არის არაერთი საერთაშორისო კონფერენცის მონაწილე; გამოცემულია მისი პოეტური კრებულები: "ჩემი გაზაფხული" (1993), "საქართველოს ლაჟვარდი" (1994), "ნუ მომთხოვ დუმილს" (2002), "მოხსენებითი ბარათი" (2011) და "ამბავი უძინართა" (2013). გამოცემული აქვს პოეტური თარგმანების კრებული (ბერნსი, უაილდი, რილკე, პუშკინი, ლერმონტოვი); თარგმნა დევიდ ბექჰემის ავტობიოგრაფიული წიგნი "ჩემი მხრიდან", ასევე შირინ ებადის ავტობიოგრაფიული რომანი "ოქროს გალია".

წყარო: ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.- გვ.55-56; გამომცმლობა ინტელექტი: intelekti.ge

• 2012 - ლიტერატურული პრემია "საბა", წლის საუკეთესო დებიუტის ნომინაციაში
  მოხსენებითი ბარათი : [ლექსები] / სალომე ბენიძე. - თბილისი : ინტელექტი, 2011. - 94გვ.

• ქალაქი წყალზე : მოთხრობები (ავტორი). - ბათუმი, წიგნები ბათუმში, 2019. - 168გვ.. - ISBN: 9789941474958
• მოხსენებითი ბარათი : ლექსები (ავტორი). - თბილისი, ინტელექტი, 2011. - 94გვ.. - ISBN: 9789941430008
• ნუ მომთხოვ დუმილს : ლექსები (ავტორი). - ქუთაისი, საგამომც. ცენტრი, 2002. - 136გვ.. - ISBN: 9992846658
• საქართველოს ლაჟვარდები : ლექსები (ავტორი). - ქუთაისი, აშრიალი, 1994. - 48გვ.
• ჩემი გაზაფხული : ლექსები (ავტორი). - ქუთაისი, სარანგი, 1993. - 16გვ.