აკაკი მახარაძე

დაბადების ადგილი: სოფელი მახალაკიძეები, შუახევის რაიონი.

დაამთავრა კონსტანტინე ლესელიძის სახელობის რესპუბლიკური სპეციალიზებული სკოლა (კადეტთა კორპუსი, ქ. თბილისი, 1980); ფ. ძერჟინსკის სახელობის სახელმწიფო უმაღლესი სასაზღვრო - სამეთაურო სასწავლებელი 1984 წელს; რუსეთის უშიშროების ფედერალური სამსახურის აკადემია 1994 წელს (ქ. მოსკოვი).

მსახურობდა: საბჭოთა კავშირისა და რუსეთის ფედერაციის სასაზღვრო ჯარების საქართველოში დისლოცირებულ სამხედრო ნაწილებში (ქ. ახალციხე, ქ. ბათუმი, 1984-1999); საქართველოს სახელმწიფო საზღვრის დაცვის სახელმწიფო დეპარტამენტის აჭარის რეგიონალურ სამმართველოში (ქ. ბათუმი, 1999 - 2005, სხვადასხვა თანამდებობაზე); ეწეოდა აქტიურ პედაგოგიურ და საზოგადოებრივ საქმიანობას: იყო ბათუმის შოთა რუსთაველის სახელობის სახელმწიფო უნივერსიტეტის სამხედრო კათედრის უფროსი მასწავლებელი (2000-2005), ბათუმის სამედიცინო - ეკოლოგიური ინსტიტუტის რექტორი (2011); ბათუმის დამოუკიდებელი უნივერსიტეტის სამართალმცოდნეობის დეპარტამენტის მასწავლებელი (2009 -2011), თბილისის ვახტანგ გორგასლის სახელობის სახელმწიფო უნივერსიტეტის სამართალმცოდნეობის დეპარტამენტის მასწავლებელი (2010-2011), იურისტი. გამოცემული აქვს რომანები - "ტრეფიკინგის მსხვერპლი" (2014), "უთქმელი ანდერძი" (2014) და მოთხრობები "ერთი ანდერძის ექო". დაჯილდოებულია მრავალი მედლით, დიპლომით, სიგელითა და საიუბილეო სამკერდე ნიშნით; მინიჭებული აქვს სამხედრო წოდება ვიცე-პოლკოვნიკი.

წყარო: საინფორმაციო ცნობარი აჭარაში მოღვაწე მწერალთა შესახებ / შემდგენელი ცისანა ანთაძე.-ბათუმი, 2019.-გვ.62; აჭარის ქართული ჭიდაობის ფედერაცია: facebook.com

• საზოგადოება "მარეთის" გამგეობა, თავმჯდომარე
• საქართველოს მწერალთა კავშირი, წევრი (2018-)

• იდუმალი ფრონტის რაინდი : ტრილოგია. წიგნი 3, იღბალა (ავტორი). - ბათუმი, მცირე მეწარმე "მაია ჯაველიძე", 2020. - 224გვ.. - ISBN: 9789941820755
• იდუმალი ფრონტის რაინდი : ტრილოგია. წიგნი 2, კურიერი (ავტორი). - ბათუმი, მცირე მეწარმე "მაია ჯაველიძე", 2020. - 301გვ.. - ISBN: 9789941820748
• იდუმალი ფრონტის რაინდი : ტრილოგია. წიგნი 1, დურგალი (ავტორი). - ბათუმი, მცირე მეწარმე "მაია ჯაველიძე", 2020. - 126 გვ.. - ISBN: 9789941820731
• ტრეფიკინგის მსხვერპლი : რომანი (ავტორი). - ბათუმი, მარეთი, 2014. - 148გვ.. - ISBN: 9789941916373